Villa Toledo

Selfsorg

Gratis kansellasie tot 1 week voor jou verblyf!
Kapasiteit: 5 persone
Geen kinders onder 7
Inkloktyd: 14:00 tot 17:00
Uitkloktyd: 10:00
Adres: Ottosdal Place 32, Faerie Glen, 0081, Gauteng
Vanaf R2 000 per nag (plek vir 5)

Beskrywing

Villa Toledo is 'n smaakvol gemeubileerde Spaanse styl villa in Faerie Glen, wat sentraal in Pretoria-Oos se voorstad geleë is, sowat 5 km vanaf die N1 en N4. Menlyn Maine en baie ander gewilde winkelsentrums, mediese geriewe en restaurante is ook naby.

Dié villa het lugversorging en bied slaapplek aan 5 gaste. Dit beskik oor 3 slaapkamers, 3 badkamers, 'n kombuis en 'n leefarea. Die hoofslaapkamer het 'n koninggrootte-bed en 'n en suite-badkamer met bad en 'n stort. Die tweede slaapkamer het 2 enkelbeddens en die derde slaapkamer het 'n enkelbed. Die oorblywende badkamer het 'n bad, toilet en 'n wasbak. Die villa het ook 'n gastetoilet.

Die oopplan-kombuis is met 'n yskas-vrieskas, gasstoof, oond, mikrogolf, basiese eetgerei, breekware en tee- en koffiemaakgeriewe toegerus. Daar is ook 'n opwaskamer wat gaste kan benut. Die eetarea het 'n etenstafel met stoele en 'n ruim leefarea met 'n sitkamerstel, kaggel en 'n platskerm-TV met Disney+.

Die onderdakstoep het buitemeubels en bied 'n uitsig van die lieflike tuin. Daar is 'n houtvuur-pizza-oond en braaigeriewe. Veilige parkeerplek is op die perseel in die motorhuis, agter 'n outomatiese hek, beskikbaar. Dié villa het sonpanele met 'n rugsteunkragstelsel en 'n sonkrag-geiser in die geval van kragonderbrekings.

Kry ’n Kwotasie