Woodlands Villa

Selfsorg

Soos Gesien op Facebook
Kapasiteit: 7 persone
Alle ouderdomme is welkom
Inkloktyd: 12:00 tot 19:00
Uitkloktyd: 10:00
Adres: Groot-Brakrivierweg, George, 6529, Wes-Kaap
Vanaf R7 000 per nag (plek vir 7)

Beskrywing

Woodlands Villa is 'n pragtige Kaaps-Hollandse huis op 'n plaas in George. Die plaashuis skuil tussen geelhoutbome en spog met 'n uitsig oor die netjiese tuin en op die Outeniekwaberge.

Die huis bied slaapplek aan 7 gaste en beskik oor 3 en suite-slaapkamers. Elke slaapkamer het 'n koninggrootte-bed en 'n en suite-badkamer met 'n bad en 'n stort. Die beddens kan op versoek in 2 enkelbeddens omskep word. Daar is ook 'n driekwartbed en 'n biblioteek in die studeerkamer.

Die kombuis is met 'n yskas-vrieskas, gas- en elektriese stoof, koffiemasjien, menger en 'n mikrogolfoond toegerus. Daar is kaggels in die sitarea en in nog 2 kuierareas. Die huis lei na 'n groot voorstoep met genoeg sitplek, 'n etenstafel en 'n Weberbraai. 'n Bomabraai is ook beskikbaar.

Die huis spog met 'n privaat dam en gaste het toegang tot die aarbeitonnels waar hulle aarbeie kan pluk. Ander aktiwiteite op die plaas sluit kanovaar, fietsry, privaat helikoptertoere, 'n vuurvliegie-woudervaring en wildritte op 'n buurplaas in.

Kry ’n Kwotasie