Juweel in Marloth. Dit was by verre die rustigste lekkerste "unwind" tyd in Marloth wat ek ooit beleef het. Gasheer het kontak gemaak voor ons arriveer het, tydens ons verblyf vir ons web cam video grepe gestuur van ons besoekers, en na ons wegbreek ingeloer om te hoor of daar enige voorstelle van ons kant is waar/wat hy kan verander of byvoeg. Yochanan is een ongelooflike juweel weg gesteek in die bos om privaat genoeg te ervaar, maar daar was elke dag 'n besoek van verskeie diersoorte. Ons is so geseën gewees. Die "cherry" op die koek was wat ons met 'n ekstra "mahala" dag bederf het. So ons lang naweek was ekstra spesiaal met 'n dag ekstra. Dankie weereens.

Fantastiese ervaring vir groot en klein. Baie lekker gebly. Kinders was heeltyd besig met die diere of in die swembad. Sal dit vir seker weer doen.

Dit was super. Het baie lekker gebly en mooi diere gesien.

Rus vir die siel. Akkommodasie is gemaklik, maar die diere so naby aan jou maak die vakansie heerlik. Heerlik gestap langs die rivier.

Ontspannend. Ons het lekker gebly en ontspan. Dit was asemrowend met die diere wat kom kuier. Die plek was netjies en pragtig. Die trappe is nie vir ouer mense of mense met knieprobleme nie, dit is hoog en ver uit mekaar om op te klim. Ek sou net voorstel dat iemand kyk dat alles in orde is vir kliente in teken. Ons het laat daar aangekom op inkloktyd. Daar was geen toiletpapier in plek nie en al die winkels was toe in daardie tyd. Geen skottelgoedseep om goed te kon spoel nie. Ook nie 'n toaster nie. Daar was nog 'n paar goed wat nie beskikbaar was nie. Koffie en suikerpot was net so gelos waar iemand dit laas gebruik het en net so gelos. Ons het reeds weggebreek van mense en was nie lus om te kla daaroor nie. Eerste aand was daar ook geen warm water nie. Ons is gelukkig mense wat meeste goed saamvat en 'n plan kan maak as nodig. Maar ja, dit is die moeite werd.

Het die kuier geniet en sal die huisie boek sodra bure aanbouings klaar is. Oor die algemeen was ons gelukkig met die huisie. However, ek voel daar moet die volgende genoem word: Trappe na die 2de vlak is baie steil en ouer mense of mense met beserings gaan nie noodwendig heeltyd kan op en af nie. Wat wel nie prakties is nie, is die feit dat die badkamer/toilet op die 2de vlak is en weereens mense met beserings (seer knieë, enkels, rug, heupe, etc.) gaan beslis sukkel. Iets wat wel tydelik is, maar wel 'n groot impak op my gemoed gehad het, is die feit dat daar bouers reg langs die braai area opgestel was met 'n sinkhuis en jojo en 2 van die bouers het oornag. In eerlikheid was my onmiddellike gevoel wat ek gekry het dat ek nie veilig gaan wees nie, en moes dus Field Security uitkry om te kom kyk. Mens vlug van die besige stad en sy geraas en in sekere mate onveilige toestande, net om in die bos wanneer jy blaaskans kom vat, presies die selle te kry. Ek sou aanraai dat dit 'n 'waarskuwing' opgestel word om dit pertinent vir die gaste uit te wys dat daar tans boukonstruksie aan die gang is met bouers wat oorslaap. Wanneer bogenoemde uitgesorteer is en die bure se huis klaar gebou is, sal ek enige iemand aanbeveel om hier te bly indien hulle in staat sou wees om die trappe te klim. Baie dankbaar vir die eienaar wat kort-kort ingeloer het via WA om ons te verseker dat ons veiligheid van belang is en dat ons moet laat weet indien daar enige issues is.