10 Tinderwood

Selfsorg

Kapasiteit: 9 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Tinderwood-draai 10, Zimbali Kusoord, 4439, KwaZulu-Natal
Vanaf R6 300 per nag (plek vir 9)

Beskrywing

10 Tinderwood is 'n luukse selfsorgvilla met 'n uitstekende uitsig in die ongerepte eko-gholflandgoed, Zimbali. Die huis is gerieflik gemeubileer met 'n klassieke en luukse ontwerp.

Dit is ideaal vir groot gesinne wat op soek is na al die geriewe wat Zimbali het om te bied. Die huis het slaapplek vir 8 gaste en 'n au pair, en beskik oor 5 slaapkamers, 5 badkamers en 'n oopplan-kombuis en -leefarea. Die ruim hoofslaapkamer het 'n koningingrootte-bed, onbelemmerde see-uitsig en 'n en suite-badkamer met 'n bad en 'n stort. Die tweede slaapkamer het 'n koninggrootte-bed en 'n en suite-badkamer met 'n bad en 'n stort. Die derde en vierde slaapkamer het elkeen 2 enkelbeddens en 'n en suite-badkamer met 'n stort-oor-bad. Die vyfde slaapkamer het 'n enkelbed en 'n en suite-badkamer met 'n stort.

Die groot, goed toegeruste kombuis is deur 'n sjef ontwerp en perfek vir smulpape. Die kombuis is met 'n stoof, oond, yskas-vrieskas, mikrogolfoond, eetgerei en breekware toegerus. Daar is ook 'n toonbank met stoeltjies. Die eetarea het sitplek vir 10 gaste en die sitarea het 'n gemaklike sitkamerstel en 'n platskerm-TV met sekere DStv-kanale. Gratis WiFi word ook voorsien.

'n Houtskuifdeur lei vanaf die kuierarea na die onderdakstoep, swembad en uitkykdek met 'n sitarea. Daar is ook 'n aparte kleiner sitarea met 'n werkstasie wat na buite lei waar daar 'n eetarea en ontspannende sierfontein is.

Die huis se verhewe ligging gee dit 'n uitstekende uitsig oor die see en maak dit perfek vir walvis- en dolfynkyk vanaf die sitarea.

Kry ’n Kwotasie