Ons was hartlik verwelkom deur die eienaars. Baie vriendelik en hulpvaardig. Baie lekker gebly, geen klagtes nie. Die uitkoms by die plek was bietjie moeilik as jy 'n groot kar het en wil ry, maar die gasheer het my seun mooi reg gehelp.

Absoluut fantasties. Beste verblyf en die gaafste eienaars. Kan die plek met 'n oop gemoed aanbeveel.

Moeiteloos en gemaklik. Gasheer en gasvrou het ons hartlik ontvang, hulle het ook ons toegelaat om later uit te boek. Blyplek was puik en alles is daar om gemaklik te bly. Sal beslis weer daar bly in die toekoms.

Baie goeie kliëntediens en goeie waarde vir geld. Woonstel was netjies en baie skoon. Alle geriewe was beskikbaar. Werklik baie goeie waarde vir geld gewees.

Hoogs aan te beveel. Stil omgewing. Veilige parkering. Keurige minimalisme. Modern, ruim en hope pakplek in kombuis en kamers. Besonder skoon en netjies met geen beurtkrag nie en onbeperkte WiFi. Willem en Sonja is aangename en innemende mense en het ons baie vriendelik ontvang en ingelig oor die omgewing en eetplekke. Hulle het deurgaans gesorg dat ons alles het wat ons nodig gehad het vir 'n lang verblyf (14 nagte), maar het ons privaatheid gerespekteer en glad nie onnodig inbreuk gemaak nie. Baie goeie kwaliteit matrasse, kussings en bedlinne (en vars, skoon beddegoed na 'n week se verblyf). Sjokoladestafies en lekker peuselgoedjies was 'n aangename verrassing asook toiletware in badkamer en alles ekstra wat nodig is in kombuis wat ons nie verwag het nie. Gasstoof waarop ons lekker kos gemaak het. Heerlike ruim badkamer. Groot inloopstort (gas) wat werk! Ons het ons verblyf baie geniet, en dit was heerlik om na elke dag se doenighede terug te kom na 'n gerieflike plek om behoorlik te rus. Dankie Willem en Sonja, julle verdien 5 X 5 sterre!

Beste akkommodasie in Danabaai. Ten spyte van ons veranderings in besprekingsdatums het Sonja ons steeds ge-akkommodeer en gehelp op baie kort kennisgewing. Die eenheid is ruim, skoon en luuks toegerus en ons is hartlik verwelkom. Loadshedding het ook geen impak aangesien die eenheid met 'n inverter en gasgeiser toegerus is. Ons onbeholpenheid met die mikrogolfoond is ook in japtrap deur Willem (gasheer) uitgesorteer. Voorwaar 'n plesier om in die eenheid te kon bly.

Het lekker gebly. Alles wat jy nodig het, 'n braaiplek, 'n parkeerplek, 'n slaapplek, rugsteun-krag, en 'n TV met Netflix (bring net jou eie password) vir later in die aand.

Beste akkommodasie, perfek vir gesin van 4. Sonja en Willem is voorwaar die beste gashere en het ons onmiddelik tuis laat voel. Hul woonstel is netjies en smaakvol toegerus en regtig een groot plesier gewees vir my twee tienerseuns. Gemaklike beddens was ons voorkeur en dit het ons verwagting oortref. Ons sien julle definitief weer in die nabye toekoms en die 4-poot familie, Milo en Cindy was net so vriendelik en het ons tuis laat voel.

Pragtige, moderne verblyf met konstante warm water, en internetverbinding, selfs deur loadshedding. Ons verblyf met 2 kinders, onder die ouderdom van 15 jaar, was baie lekker en aangenaam, teen 'n baie bekostigbare tarief vir die 6 dae wat ons die verblyf gebruik het. Die feit dat ons deur fase 6 beurtkrag, nog steeds warm water en selfs internetverbinding, gehad het, was 'n baie groot pluspunt en het dit die verblyf, baie vergemaklik. Die eienaars was baie behulpsaam en vriendelik, en het ons soos ou vriende laat voel, en geen moeite ontsien om ons verblyf te vergemaklik nie. Hulle het selfs vir ons 'n paar interessante plekke voorgestel om te besoek. Dit is in 'n rustige area geleë, wat ons na die dag se besige skedule, baie kon waardeer. Ons sal 111 on Heide met vrymoedigheid aanbeveel, en beslis weer van die verblyf gebruik. Hiermee wil ons dan ook ons dank aan die eienaars deurgee vir die heerlike tyd saam met julle.

What a gem! We're only sorry that our stay was so short. Sonja and Willem have a gem here: It is a beautifully furnished and functional space, everything you could need and want. We hardly even noticed the loadshedding thanks to their gas appliances and inverter for the Wi-Fi. The hosts were incredibly accommodating and made us feel right at home. We'll be back.