Beskrywing

115 Camarque is 'n lieflike selfsorgwoonstel op Umdloti-strand. Hiér kan familie en vriende na 'n genotvolle dag op die strand kom ontspan.

Dié eiendom bied slaapplek aan 6 gaste en beskik oor 2 smaakvol gemeubileerde slaapkamers, 'n badkamer, oopplan-kombuis en 'n sitarea. Die hoofslaapkamer het 'n koninggrootte-bed en 'n stapelbed en die tweede slaapkamer met 'n dubbelbed. Die badkamer het 'n bad, stort, wasbak en 'n toilet. Linne en handdoeke word voorsien.

Die kombuis is met 'n yskas-vrieskas, gasstoof, oond, mikrogolfoond, basiese eetgerei, breekware en koffie- en teemaakgeriewe toegerus. Daar is ook 'n wasmasjien. Die kombuis lei na 'n sitarea met gemaklike rusbanke en 'n TV met die volle DStv-pakket. Gratis WiFi is beskikbaar.

Die skuifdeur van die sitarea lei na 'n klein grasperk met sitplek. Hiér kan gaste die see-uitsig met die geluid van die branders in die verte geniet.

Gaste het toegang tot veilige parkeerplek op die perseel. Parkeerplek vir bykomende gaste is in die besoekersparkeerarea wat langs die sekuriteitshek geleë is, beskikbaar.

Gaste het toegang tot die kompleks se gemeenskaplike geriewe wat 'n omheinde swembad en kinderswembad, braaigeriewe, 'n tuin, asook piekniekareas met sitplek vir buitelug-eetplekke insluit.