2362 On Swartwitpens

Heerlik gekuier en rustigheid geniet.

Baie lekker plekkie. Ligging is perfek. Baie wild wat kom kuier en die kinders het dit baie geniet. Vriendelike diens vanaf julle en die eienaars. Sal definitief weer gaan. Vat net wildspallets saam.

Skoon, gerieflik & goed geleë.

Eienaars het gereeld gekommunikeer om te verseker dat ons gerieflik en gelukkig is. Vriendelike en voortreflike diens. Ons "mede-inwoners" in Marloth het gereelde besoeke gebring, oggende en saans. Vlakvarke, koedoes, sebras, dwergmuishonde was 'n ondervinding vir die kleinkinders. Ons nagapie-vriende het ons nie een aand teleurgestel nie. Die kameelperd wat kom groet het was 'n bonus. Dankie Jeannette!

Teleurstellend.

Klein, beknop, donker en bedompig. Waaiers wel beskikbaar, maar onvoldoende. Die gasgeiser is in die piepklein kombuis/leef-area installeer in plaas van buite teen die muur en gee soveel hitte af, dat dit die huisie in 'n sauna omskep. Die huisie is donker binne en die gordyne kan net gedeeltelik opgemaak word om meer lig in te laat, omrede die gordyne bo aan mekaar vasgeknoop is en dus nie kan oopskuif nie. Die badkamer is ook klein en beknop en die stort het nog 'n plastiekgordyn in plaas van 'n stort deur, met die gevolg die badkamer vloer papnat is elke keer as die stort gebruik word. Wat die stortgordyn aanbetref, dit is 2019 mense, nie meer 1975 nie! Jammer, maar vir iemand wat in gerief en gemak wil vakansie hou, kan ek Swartwitpens 2362 nie aanbeveel nie. 3 uit 10.

Was baie baie lekker en wil gou weer kom kuier.

Was baie lekker, tot 'n volgende keer.

Baie baie lekker.

Was heerlik en sal definitief terug gaan.

Uitstekend.

Dit was regtig baie lekker, die eienaars was baie vriendelik met die hulp van die TV.

Dit was 'n groot avontuur gewees.

Ons het heerlik gekuier saam met ons vriende. Die natuurlewe was fantasties gewees. Die huis was skoon en ons het die braai area baie geniet.

Rustig met net diereklanke en my gesin se stemme in my ore - salig!

Die huisie is knus en uitstekend toegerus. Heerlike gesinstyd en genoeg ruimte om ook alleen tenkies vol te maak. Ek kon kilometers ver stap, verf, lees, legkaart bou, bak en brou, my man kon elke dag alleen braai en saans buite vir die vuur kyk, en die kinders kon lees en speletjies speel.

Het net daar geslaap. Was die hele dag vir 8 dae in die wildtuin.

Om die huis sleutels te kry was 'n probleem. Geen kaart van Marloth Park gehad nie. Die rigtingaanwysers wat ons van die hek gekry het was totaal onduidelik. Ons het heen en weer gery vir 'n driekwartuur voordat ons self 'n Field Security bakkie voorgekeer het om ons te help. Daarna was dit maklik. Ons het van Brakpan af Marloth toe gery, ons 4 is almal bo 70 en het regtig nie die ongerief nodig gehad om die sekuriteitskantoor te soek om die sleutel te kry nie! 'n Kaart van Marloth wat duidelik die nodige plekke aanwys sou al die ongerief uitgeskakel het! Die res van die verblyf was baie goed!

Amazing tyd met 'n paar terugslae.

Dit was 'n heerlike tydjie in die bos. Ongelukkig was die eerste indruk wat ons gekry het met aankoms nie so verwelkomend nie. Ons moes eers die skottelgoed was, wat in 'n power kondisie was en die huis uitvee. Die kamer waaiers was vuil en die een bank in die voorhuis was gebreek en geen mens kon op hom sit nie. Dit het sommer dadelik die atmosfeer geskep vir teleurstelling. Maar na alles in plek en reg was het ons ons tydjie geniet.

Heerlik toegeruste huis in Marloth Park.

Dit was 3 heerlike dae, huis goed toegerus, skoon, gemaklik. Baie dankie aan die eienaars - julle aanwysings en hulp maak dit nog meer spesiaal.

Rus en vrede in die bos!

Baie lekker plekkie. Skoon en netjies en goed toegerus. Die patiostoele het saans oortyd gewerk! Die stilte is ongelooflik. Die kinders het dit vreeslik geniet om so naby aan wilde diere te wees en hulle te voer. Sekuriteitsmaatskappye patrolleer die strate gereeld, wat mens veilig laat voel. Met aankoms het die stopkraan teen die huis probleme gegee, maar Dawn het dit binne 15 minute uitsorteer en sy het later weer geskakel om te hoor of alles reg is. Ons was heel beïndruk met die goeie diens. Sal beslis weer van die plekkie gebruik maak.

Kompak, met alles wat ons nodig het.

Baie lekker plekkie vir dit wat ons nodig gehad het. Voorstelle: 1. Sitkamermeubels te groot vir die klein ruimte wat daar is. Ouer mense wat sukkel om op te staan kon dit nie gebruik en ons moet die patiostoele in die sitkamer gebruik wat dit baie ongesellig gemaak het, want ons moes rond en bont sit. 2. 'n Rak met hangplek en blad of tafeltjie of bankie om jou tas op neer te sit sal baie handig wees vir die loft. Alles moet op die vloer rond staan. 3. Aparte toilet sal groot aanwins wees. Al negatief: Met ons aankoms moes ons eers die yskas ontdooi en skoonmaak. Ys was omtrent 5 cm aangepak en die yskas was glad nie koud nie. Opsigter kan dalk net toesien dat die yskas nie aangepak is nie. Vrieskompartement was reg.