40 Oceanview

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Maryland-laan 59, Glen Ashley, 4051, KwaZulu-Natal
Vanaf R6 850 per nag (plek vir 8)

Beskrywing

40 Oceanview is 'n pragtige selfsorgvilla in die hartjie van Glen Ashley, Durban-Noord. Hierdie stylvolle huis het moderne kenmerke en is 'n wonderlike opsie vir 'n kuswegbreek aangesien dit 'n swembad en 'n Jacuzzi met asemrowende see-uitsigte het.

Dié verblyf bied slaapplek aan 8 gaste en beskik oor 4 en suite-slaapkamers en 'n aparte toilet. Die eerste 2 slaapkamers het elk 'n koninggrootte-bed en 'n en suite-badkamer met 'n bad en 'n stort. Die derde slaapkamer het 'n koningingrootte-bed en 'n en suite-stort en daar is 'n koningingrootte-bed en 'n volledige en suite-badkamer in die vierde slaapkamer. Alle linne en badhanddoeke word voorsien, maar gaste moet asb. hul eie strandhanddoeke saambring.

Die lugtige leefarea het 'n stylvolle kombuis wat met 'n gasstoof, elektriese oond, mikrogolf, yskas-vrieskas, koffiemasjien, eetgerei, breekware en 'n eiland met stoele toegerus is. 'n Skottelgoedwasser en wasmasjien is ook beskikbaar. Die kombuis lei na 'n etenstafel. Die sitarea het gemaklike sitplek en 'n platskerm-TV. Daaar is ook 'n tweede TV-sitarea beskikbaar. Gratis WiFi is beskikbaar.

Die stapeldeure maak op 'n onderdakstoep met 'n etenstafel en 'n ingeboude braai oop. Hierdie leefarea lei na 'n sonnige buite-onthaalarea met 'n sitarea en 'n Jacuzzi vanwaar gaste die see-uitsigte kan bewonder.

Kry ’n Kwotasie