Beskrywing

516 Breakers gerieflike selfsorgverblyf in 'n smaakvol versierde tweeslaapkamerwoonstel in die Breakers-oord in Umhlanga. Die eenheid word privaat besit. Dié oord bied toegang tot die strand en die promenade.

Die woonstel beskik oor 2 slaapkamers, 'n badkamer en 'n oopplan-kombuis, -eetarea en -leefarea. Die eerste slaapkamer het 'n dubbelbed en die tweede slaapkamer het 2 enkelbeddens. Die badkamer word gedeel en het 'n stort-oor-bad en 'n toilet. Die kombuis is met 'n yskas, stoof, oond en 'n mikrogolfoond toegerus. Die oopplan-leefarea het 'n etenstafel en stoele en die sitkamer het 'n TV met sekere DStv-kanale wat deur die hotel beheer word. Daar is ook lugversorging in die woonstel. Gaste kan 'n gedeeltelike see-uitsig van die woonstel af geniet.

Die woonstel word daagliks skoongemaak, behalwe op Sondae en openbare vakansiedae. Daar is ondergrondse parkeerplek vir 1 voertuig. Gaste kan van die hotel se geriewe gebruik maak. Daar is 'n gimnasium, sitkamer met internet, speelarea vir kinders, 'n salon, putt-putt-baan, 'n restaurant en 3 swembaddens waarvan 1 verhit is.

Die gewilde Umhlanga-promenade strek vir 2,5 km vanaf die Breakers-oord tot by die Malindi-kompleks in die suide. Besoekers kan lekker op die promenade wandel of draf en die ligging bied toegang tot winkels en restaurante in die omgewing.