602 Infinity

Selfsorg

Gratis kansellasie tot 1 week voor jou verblyf!
Kapasiteit: 2 persone
Geen kinders
Inkloktyd: 15:00 tot 19:00
Uitkloktyd: 10:00
Adres: Coralweg 87, Bloubergstrand, Kaapstad, 7441, Wes-Kaap
Vanaf R1 950 per nag (plek vir 2)

Beskrywing

602 Infinity is op die sesde verdieping en is 'n luukse strandfront-selfsorgwoonstel in Bloubergstrand. Dit het 'n uitsig oor die Atlantiese Oseaan en bied 'n onbelemmerde uitsig oor Tafelberg, die Stad, die V&A Waterfront en Robbeneiland.

Die ligging van die woonstel bied maklike toegang tot die Kaapse middestad, Kaapstad Internasionale Lughawe, die Kaapse Wynland, Kaappunt en baie ander bekende toeriste-besienswaardighede in en om Kaapstad.

Die luukse selfsorgwoonstel spog met pragtige meubels en 'n retro-styl. Die slaapkamer het genoeg kasspasie en 'n kluis asook 'n koninggrootte-bed met gehaltelinne. Die moderne en suite-badkamer het 'n stort en bad.

Die leefarea het 'n 55"-platskerm-TV met DStv Stream, YouTube, Showmax en Netflix. Daar is 'n 'Jukebox' uit die 1950s, 'n radio en 'n CD- en iPod-speler. Die eetarea is ideaal vir 'n intieme aandete vir 2. Die kombuis is met 'n oond, mikrogolf, yskas-vrieskas, skottelgoedwasser, filter-koffiemasjien, filterkoffiemasjien, broodrooster en ketel toegerus.

Gaste het toegang tot al die geriewe in die Infinity-kompleks insluitend 'n groot buite-swembad met 'n sondek wat oor die Atlantiese Oseaan uitkyk en 'n binnenshuise gimnasium en joga-kamer en braaigeriewe met sitplek. Daar is aangewese gratis kelderparkeerplek met 24 uur-geslotekringtelevisie. Gratis, onbeperkte hoë spoed vesel-WiFi met onderonderbroke kragtoevoer is beskikbaar.

Hierdie woonstel is beurtkrag-vriendelik. Daar is 'n omsetter vir die TV en Juke Box, 'n UPS vir die WiFi, asook 'n kragopwekker vir die hysbak, kameras en ligte in die gemeenskaplike areas. Daar is ook noodligte vir tydens beurtkrag. Gaste het toegang tot die wassery in die gebou.

The Doodles Restaurant, Primi Piatti, News Café, Catch 22 en Pakalolo Beach Bar is maar 'n paar minute se stap van die kompleks af. Daar is talle restaurante en winkels in die omgewing. Eden on the Bay is 2 km ver, en gaste kan skemerkelkies by MOYO Restaurant of 'n yskoue bier op die gras by Blue Peter Hotel geniet.

Kry ’n Kwotasie