Beskrywing

8 Ocean Breeze is in Warner Beach in KwaZulu-Natal geleë. Die kompleks is reg langs die strand geleë, so gaste kan vanaf die huis stap om in die see te swem.

Verblyf word aangebied in die boonste ateljeewoonstel met pragtige uitsigte en 'n privaat balkon. Daar is 'n graniettoonbank en 'n gemaklike patio-stel. Jy kan jou aande buite deurbring en lekker ontspan terwyl jy luister na die klanke van die see of jy kan ontbyt by die kroegtoonbank buite nuttig en kyk hoe die branders teen die strand breek.

Die woonstel is smaakvol versier en bevat 'n koningingrootte-bed en stapelbeddens. Daar is 'n skeiding wat toegemaak kan word om die sitkamerarea toe te maak. Die sitkamer bied 'n rusbank, 1 gemakstoel, kroegtoonbank en 4 stoele, 'n TV met DStv. Die kombuis is volledig toegerus met 'n vlekvryestaal-oond, glasstoof, mikrogolfoond, yskas-vrieskas, graniettoonbanke en al die nodige eetgerei en breekware. Die badkamer het 'n nuwe bad, stort, toilet en wasbak. Maak asseblief seker dat jy jou eie handdoeke en alle toiletware saambring.

Die ateljeewoonstel is in 'n gesinsvriendelike kompleks geleë, met pragtige tuine en verskeie braai-areas. Daar is tafels en stoele onder grassambrele naby die braai-areas. Daar is 'n swembad vir kinders en 'n gewone swembad. Die kompleks beskik oor 2 vloere, die grondvloer en die eerste vloer.

Gaste sal sien dat hulle na aan winkelsentrums, rolprentteaters en restaurante is, al is die eenheid so na aan die strand-paradys. Neem die kinders na die ysskaatsbaan, flieks of die speletjies-arkade op reënerige dae. Alles wat jy moontlik kan nodig kry is maklik bereikbaar.

Rook is verbode in die eenheid, respekteer dit asseblief.

Let as. daarop dat besprekings vir 4 volwassenes nie aanvaar word nie, aangesien die eenheid vir 2 volwassenes en 2 kinders geskik is, of 'n paartjie.