Aloma House

Gastehuis

Kapasiteit: 14 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Archer-straat 30, Somerset-Oos, 5850, Oos-Kaap
Vanaf R1 120 per nag, vir 2 mense

Beskrywing

Aloma House is 'n juweel van 'n gastehuis in 'n stil, veilige area in die pragtige Somerset-Oos (KwaNojoli). Die personeel bied hartlike gasvryheid, asook skoon, vars en ruim kamers.

Verblyf word gebied in 7 kamers. Elke kamer het 'n badkamer. Kamergeriewe sluit 'n platskerm-TV, sekere DStv-kanale, gratis WiFi en tee- en koffiemaakgeriewe in. Die kamers het ook pragtige uitsigte oor die tuin, swembad en op die berge.

Kom ontspan in die tuin en benut die swembad. Daar is ook 'n lapa met braaigeriewe. Lieflike aandete en ontbyt, asook middagete-pakkies word op versoek voorberei.

Kom kuier by Aloma House en vra ons uit oor die wonderlike doendinge wat in die omgewing gebied word, soos wildritte, bergfietsry, perdry, gholf en museumtoere.

Kry ’n Kwotasie