Beskrywing

Apartment Rosa is 'n netjiese selfsorgwoonstel vas aan die eienaar se huis met sy eie ingang. Dis in Klein-Brakrivier en net 500 m vanaf Klein-Brakstrand, 1,8 km vanaf Boplaas Wine Tasting and Sales en 2,4 km vanaf 'n plek waar gaste hul bote te water kan laat vir die binnelandse waters.

Die woonstel bied slaapplek aan 2 gaste en beskik oor 'n slaapkamer, badkamer, kombuisie en 'n eetarea. Die slaapkamer het 'n dubbelbed en die badkamer het 'n stort, toilet en 'n wasbak.

Die kombuisie is met 'n yskas-vrieskas, stoof, oond, mikrogolfoond, ketel, broodrooster, eetgerei en breekware toegerus. Daar is ook 'n etenstafel met sitplek vir 2. Buite is 'n tuin met 'n braai.

Klein-Brakrivier is 'n kusdorpie tussen Mosselbaai en Groot-Brakrivier op die oewer van 'n rivier. Die dorpie is 'n natuurlike voëlbewarea en 'n paradys met die see, strandmeer en rivier. Die strandmeer is ideaal vir kanovaar en gedurende die walvisseisoen tussen Junie en November kan besoekers lekker walviskyk. Klein-Brakrivier is die ideale visvangbestemming met elf, kabeljou en leervis. Gaste kan ook varswatervis hoër in die rivier op vang. Die rivier is vir sowat 20 km gangbaar en is propvol vis.