Bali Hai 202

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: Noordkusweg 37, Westbrook, Ballito, 4400, KwaZulu-Natal
Vanaf R1 695 per nag (plek vir 6)

Beskrywing

Bali Hai 202 is 'n selfsorgwoonstel met lieflike see-uitsigte en is oorkant die pad van die strand in Westbrook. Die area bied uitstekende swem-, visvang- en duikgeleenthede en is ideaal vir 'n gesinsvakansie.

Dié woonstel met lugversorging op die tweede verdieping bied slaapplek aan 6 gaste en beskik oor 3 slaapkamers en 2 badkamers. Die eerste slaapkamer het 'n dubbelbed en 'n en suite-badkamer met 'n stort. Die tweede en derde slaapkamers het elk 2 enkelbeddens en gaste deel 'n tweede badkamer met 'n bad. Linne word voorsien, maar gaste moet hul eie handdoeke saambring.

Die eenheid het'n kombuis wat met 'n stoof, oond, mikrogolf, yskas-vrieskas en wasmasjien-tuimeldroër toegerus is. Die sit- en eetarea het gemaklike sitplek en 'n TV met sekere DStv-kanale. Gratis WiFi is beskikbaar.

Die sitarea se skuifdeure maak op 'n onderdakbalkon met asemrowende uitsigte oor die see en die gemeenskaplike swembad oop. Die kompleks het ook 'n restaurant, 'n gemeenskaplike braai-area en veilige parkeerplek.

Kry ’n Kwotasie