Beautiful Horizons

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 16:00
Uitkloktyd: 10:00
Adres: Blaauwbergstraat 4, Horizon Bay, Bloubergstrand, 7441, Wes-Kaap
Vanaf R3 000 per nag (plek vir 4)

Beskrywing

Beautiful Horizons bied gerieflike selfsorgverblyf in 'n smaakvol gemeubileerde woonstel met asemrowende see-uitsigte in 'n goedversorgde kompleks in Blouberg. Die kompleks bied 24 uur-sekuriteit en is net oorkant die pad van Blouberg se strandfront geleë.

Die woonstel is op die vyfde verdieping en bied slaapplek aan 4 gaste en beskik oor 2 slaapkamers met ingeboude kaste. Die eerste slaapkamer is ingerig met 'n koningingrootte-bed en het 'n en suite-badkamer. Hierdie slaapkamer lei na 'n balkon met lieflike uitsigte oor die strand. Die tweede slaapkamer is ingerig met 2 enkelbeddens en het 'n aparte privaat badkamer. Beide bad- en stortgeriewe is beskikbaar.

Die woonstel beskik oor 'n oopplan-kombuis en -leefarea. Die kombuis is toegerus vir selfsorg met 'n yskas, 'n oond en stoof, en 'n mikrogolfoond, en die sitkamer is toegerus met 'n TV met sekere DStv-kanale. Daar is 'n battery wat die Wi-Fi aandryf tydens beurtkrag. Die leefarea lei na 'n groot balkon, wat 'n ideale plek is vir skemerkelkies met uitsigte oor die see.

Die kompleks bied 'n gemeenskaplike swembad vir gaste om te geniet, en daar is 'n koffiewinkel op die grondvloer. Dit is naby restaurante en winkels geleë.

Ons het 'n minimum verblyf van 10 nagte oor Des/Jan.

Kry ’n Kwotasie