Beskrywing

Belle Vue is 'n gemaklike, ruim en netjiese selfsorgeenheid met sy eie ingang in Fraaiuitsig. Dit is 290 m vanaf die see en 'n bietjie verder is daar 'n getypoel. Die Fraaiuitsig-winkelsentrum is 900 m ver en Kleinbrak se swembad met lewensredders is 2 km ver.

Belle Vue is geskik vir 6 gaste en beskik oor 2 ruim slaapkamers. Die eerste slaapkamer het 'n dubbelbed en 'n en suite-badkamer met 'n stort, toilet en wasbak. Die tweede slaapkamer het ook 'n dubbelbed en daar is 'n addisionele gastetoilet. Daar is slaapplek vir nog 2 gaste op die slaapbank in die sitarea.

Die kombuis is met 'n yskas, mikrogolfoond, wasmasjien, 'n elektriese tweeplaatstoof en oond, eetgerei en breekware toegerus. Die sitarea het sitplek en 'n TV met sekere DStv-kanale. Daar is 'n ketelbraai en parkeerplek vir 2 voertuie. Daar is 'n omsetter wat die ligte en die TV tydens beurtkrag sal aanhou.

Belle Vue is 8 km vanaf Hartenbos, ongeveer 15 km vanaf Mosselbaai en 48 km vanaf George. Verder is daar talle besienswaardighede en aktiwiteite soos Zipline in Mosselbaai, St Blaize se voetslaanpad wat van Mosselbaai tot Danabaai strek, asook 'n waterpark.

Met hierdie wegbreek kan gaste 'n lieflike en ontspannende vakansie in die Suider-Kaap geniet.