Bushbaby Lodge

Selfsorg

Kapasiteit: 9 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Swartwitpensweg 2472, Marlothpark, 1330, Mpumalanga
Vanaf R835 per nag (plek vir 3)

Beskrywing

Bushbaby Lodge is in die Afrika-bosveld in die Marlothpark Natuurreservaat geleë. Dit is net 'n paar kilometer van die N4-snelweg af tussen Malelane en Komatipoort en 15 km vanaf die Krugerwildtuin-ingang. Die lodge is in 'n baie afgesonderde area van Marlothpark onder groot bosveldbome waar 'n verskeidenheid wild en voëls gasheer speel.

Verblyf word aangebied in 'n eenheid met slaapplek vir 3 gaste en 'n eenheid met slaapplek vir 6 gaste. Albei eenhede kan bespreek word om 9 gaste in totaal te akkommodeer. Die eenhede is volledig toegerus vir selfsorg en het lugversorging. Elke eenheid het sy eie kampvuur- en braai-area. Die twee eenhede is stapafstand van mekaar af en gaste kan gebruik maak van die gemeenskaplike plonspoel om at te koel. Gratis WiFi en 'n rugsteun-omsetterstelsel is beskikbaar.

Die lodge is 400 m vanaf die Krokodilrivier wat grens aan die Krugerwildtuin sodat gaste bietjie kan wildkyk uit hulle voertuie uit op pad na die Krugerwildtuin.

Gaste kan by Bushbaby Lodge om 'n kampvuur ontspan en die natuurgeluide waardeer. Hier kan 'n mens die leeus hoor brul, die hiënas hoor lag en seekoeie in die Krokodilrivier ervaar. Koedoes, sebras, vlakvarke, rooibokke, duikers, bosbokke, blouwildebeeste, njalas, kameelperde, olstruise, tarentale, muishonde, bobbejane en apies is gereelde kuiergaste by die lodge. Hou ook 'n ogie oop vir nagapies wat graag na sonsonder kom kuier.

Bushbaby Lodge is gekoppel aan Field Sekuriteit, 'n baie betroubare sekuriteitsmaatskappy wat gaste kan bystaan in 'n noodgeval. Elke eenheid het sy eie sekuriteitstelsel.

Indien gaste die natuur op sy beste wil ervaar en wild wil sien, is Bushbaby Lodge die perfekte plek.

Die bestuur sien uit om gaste se ervaring onvergeetlik te maak!

Kry ’n Kwotasie