Wonderlik. Wonderlike ligging. Lekker huis. Baie lekker gebly.

Heerlik gekuier in Marlothpark. Huisie was baie skoon en netjies. Heerlik gerus, het al die wild wat kom kuier baie geniet. Het laataand veilig gevoel agter die tralies van die stoep, terwyl ons steeds die naglewe van die wild geniet het.

We had a very comfortable and enjoyable stay. Everything we needed was in the house. Lots of animals around the house.

Het lekker gebly ten spyte van bogenoemde. Sekere aspekte kort aandag. Daar het 3 knope geskort aan gasstoof. 2 plate plus oond se knope was af. Advertensie wys swembad en twee dae voor ons besoek word ons ingelig dat swembad onbruikbaar is a.g.v. 'n lek. Los bakstene in plaveisel kan mens laat struikel. Toe ons 3 uur arriveer, was skoonmaker nog nie klaar nie. Moes ook wag vir die badkamer omdat sy eers gaan aantrek het.

Ons het elke oomblik so na aan die natuur geniet. Ons ousus en ouboet het dit vreeslik baie geniet. Eerste keer net soos by Marloth. Ons kamp gewoonlik of slaap in die rondawels in die wildtuin. Net een onaangename voorval. 'n Paar dae nadat ons vertrek het huis toe het iemand ons laat weet dat die bediende 'n spaar matjie vermis wat agter een of ander hangkas was. Beslis het ons nie die matjie geneem nie.

Absoluut fantasties. Butterfly House is baie goed onderhou en Mariaan was altyd beskikbaar vir enige vrae. Ons het baie diere gehad by die huis en ons verblyf was absoluut fantasties. Ons het sommer nog 'n ekstra dag geboek. Ons sal beslis Butterfly House aanbeveel en weer daar gaan bly.

Wonderlik, uit die boek. Lieflike plek. Baie goed toegeruste huis met kwaliteit meubels, eetgerei, breekware,linne, handdoeke en matrasse. Pragtige kuier-stoep met oulike braai-area en aangename swembadjie. Hope mak wild, nagapies te kostelik. Wegbreek duisend, beveel beslis aan.

Rustige wegbreek ver van die stad se gewoel. Baie netjies en gerieflik. Vriendelike gasvrou. Rustig en eenkant. Baie diere gesien. Die vlakvarke is soos huisdiere. Lê sommer onder die boom en wag vir 'n pil om hulle kant toe te kom. Koedoes, zebra en verskeie boksoorte gesien. Weg van stadsgevoel. Sommer net afgeskakel en die batterye weer herlaai. Sal dit enige tyd aanbeveel vir enige een. Dankie.

Beslis waarde vir geld. Baie dankie dat ons jul huisie kon gebruik. Alles wat mens nodig het was daar vir ons om te gebruik. Sommer baie gereelde besoekers gehad. Koedoes, blou wildebeeste, sebras, baie bosbokkies, duikertjies, gebande muishonde en vlakvarke. Blou apies het ook hul opwagting gemaak. Elke dag die bloukuifloerie, groen vlerk duifie, swartkop wielewaal en vele meer voëls gehoor en gesien. Saans die Afrika naguiltjie, leeus ens gehoor. Was ook gelukkig om leeus en troppe olifante in die rivierloop te sien. Baie kameelperde en Njalas gesien in die park self. 'n Heerlike plekkie waar ons kon uitspan en rustig wees en sommer die bos te geniet. Nogmaals dankie Mariaan vir jou gasvryheid. Sal graag in die toekoms weer jul plekkie wil gebruik.

Stukkie paradys. Buitengewone buitelewe ervaring met wilde (mak) diere wat tot op jou stoep kom kuier.