Beskrywing

Capri House is die ideale selfsorg-gesinswegbreek met 'n fantastiese ligging in die stil Capri Village-buurt, net 'n paar minute se ry van die witsandstrand in Noordhoek en Kommetjie se Long Beach af. Die huis staan op 'n heuwel en bied 'n uitsig oor die vallei en die see in die verte. Capri House is onafhanklik van die plaaslike netwerk en word dus nie deur beurtkrag geraak nie.

Die huis het slaapplek vir 6 gaste en beskik oor 3 slaapkamers, 2 badkamers en 'n oopplan-kombuis, -eetarea en -leefarea. Die eerste slaapkamer het 'n koninggrootte-bed en 'n en suite-badkamer met 'n bad, stort, toilet en 'n wasbak. Die tweede slaapkamer het 'n koninggrootte-bed en die derde slaapkamer het 2 enkelbeddens. Hierdie 2 slaapkamers deel 'n badkamer wat 'n stort, toilet en 'n wasbak het.

Die kombuis is met 'n yskas-vrieskas, stoof, oond, ketel, broodrooster en 'n opwasarea met 'n wasmasjien en 'n skottelgoedwasser toegerus. Die eetarea het 'n etenstafel met sitplek vir 6 gaste en die sitarea het 'n kaggel en 'n platskerm-TV. Die sitarea bied ook toegang tot 'n stoep met buitesitplek, 'n buitetafel met stoele en 'n ketelbraai. Daar is 'n pragtige tuin en oorgenoeg plek vir laatmiddagspeletjies op die gras of 'n middagbraai.

Kinderspeelgoed en boeke, asook die gratis gebruik van 'n reiskot en 'n babastoeltjie is beskikbaar. Die huis is ook met 'n beurtkragbattery met 'n kapasiteit van 720 W toegerus en dit sal maklik die internet, die TV en 'n paar staanligte aan die gang hou in die geval van beurtkrag.

Daar is 'n dubbelmotorhuis en ekstra parkeerplek agter 'n sekuriteitshek langs die huis.

Die gewilde Imhoff Farm is naby en hier kan gaste die hele dag rondstap en na die plaaslike kunsvlyte kyk, ietsie te ete kry, inkopies doen en 'n rits interessante diere sien. Noordhoek Village spog ook met verskeie restaurante, boetiek-roomys, 'n deli en koffiewinkels.