Cardamom House

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Faurestraat 5, Gordonsbaai, 7151, Wes-Kaap
Vanaf R1 900 per nag (plek vir 2)

Beskrywing

Cardamom House en die kothuis bied interessante, karaktervolle en unieke verblyf met 'n pragtige see-uitsig in Gordonsbaai. Die huis is net 500 m van Bikini Beach af en lekker beskut teen die Suidooster.

Dié huis beskik oor 2 slaapkamers, 2 badkamers, 2 leefareas en 'n ten volle toegeruste kombuis. Die hoofslaapkamer het 'n koninggrootte-bed en die tweede slaapkamer het 2 enkelbeddens. Bad- en stortgeriewe is beskikbaar. Albei slaapkamers spog met pragtige see-uitsigte. Die kleurvolle kombuis het 'n yskas, oond, stoof en 'n mikrogolf, en lei na 'n oopplan-sitarea en -eetarea. Die huis het ook boeke, versamelstukke, CD's, kunswerke, artefakte, gratis WiFi en 'n slim-TV.

Die kothuis bied skouspelagtige see-uitsigte en beskik oor 1 slaapkamer met 'n dubbelbed en 'n badkamer met 'n stort, wasbak en 'n toilet. Die kombuis is met 'n yskas, mikrogolfoond en koffie- en teemaakgeriewe toegerus.

Die groot stoep het gemaklike rusbanke, 'n etenstafel, Weber-braai en 'n opvoubare afdak.

Cardamom House se ligging is ideaal vir diegene wat die omgewing wil verken, soos die Overbergkus tot by Hermanus en die wynlande in die Overbergstreek, Somerset-Wes en Stellenbosch.

Kry ’n Kwotasie