Castello Di Monte

Gastehuis

Soos Gesien op Facebook
Kapasiteit: 18 persone
Geen kinders onder 8
Inkloktyd: 14:00 tot 20:00
Uitkloktyd: 11:00
Adres: Aries-straat 402, Waterkloof Ridge, Pretoria, 0181, Gauteng
Vanaf R5 800 per nag, vir 2 mense
TGCSA-gradering:

Beskrywing

Castello Di Monte is 'n Toskaanse villa op 'n groot landgoed op 'n heuwel in die luukse, lowerryke buurt, Waterkloof Ridge in Pretoria. Castello Di Monte se 16de eeuse prag en praal word gekomplementeer deur moderne geriewe. Dit bied die perfekte plek vir 'n sakevergadering of romantiese wegbreek, kompleet met 'n Juliet-balkon.

Verblyf word aangebied in 4 klassieke kamers, 3 terraskamers, 1 wittebroodsuite en 1 presidensiële suite. Elke kamer het 'n koningingrootte-bed, 'n koninggrootte-bed of 2 enkelbeddens. Ander geriewe in die kamers sluit 'n platskerm-TV met eksklusiewe DStv, lugversorging wat met 'n afstandbeheer werk, ondervloerse verhitting, 'n kroegyskassie, WiFi, persoonlike kluis, direkte telefoonlyn, en tee- en koffiemaakgeriewe in.

Castello Di Monte spog met 7 intieme eetareas. Elke area bied 'n watertand-ervaring en 'n uitsig. 'n Volledige Engelse ontbyt, kontinentale en warm items met tee, koffie en sap is ingesluit by die tarief. 'n A la carte-spyskaart is vir aandete beskikbaar.

Castello Di Monte bied 'n verskeidenheid dienste en geriewe wat gaste se verblyf onvergeetlik sal maak. Koel in die Romeinse styl-swembad af of ontspan by met 'n skemerkelkie by die kroeg. Speel skaak op die reuseskaakbord op die dak en geniet die uitsig oor Pretoria. Veilige parkeerplek is op die perseel beskikbaar.

Gaste kan spabehandelings in hulle kamers geniet en daar is 'n sauna en stoomkamer op die perseel.

Castello Di Monte maak ook voorsiening vir konferensies, troues of funksies en kan tot 35 gaste of afgevaardigdes akkommodeer, afhangend van die opstel van die lokaal.

Kry ’n Kwotasie