Foto's op webtuiste is baie outdated. Glad nie hoe dit nou lyk nie. Deur vuil lagoon loop om by die strand uit te kom. Kuierplek voor woonstel wat heeltyd musiek maak. Kombuis onder water as gevolg van geblokte yskas- en wasmasjienpype. Sal nie weer terug nie. Ses dae in die woonstel deurgebring. Lagoon vuil met gebreekte bakstene en boomstompe. Glad nie selfde buite die woonstel as wat die webtuiste adverteer nie.

Dit was 'n heerlike vakansie met 'n fantastiese uitsig oor die see, net 'n paar tree van die strand. Die eenheid is goed toegerus. Die probleme wat daar was is baie vinnig opgelos. Die enigste frustrasie was die elektroniese toerusting - die afstandbeheer se batterye was pap; nadat ons dit vervang het het ons agtergekom dat dit nie in werkende toestand is nie.

Dit het my verwagtinge oortref. Die eenheid is baie ruim met 'n groot balkon - skuifdeure van twee kamers en die eetkamer lei na die balkon. Jy kan letterlik vanaf jou bed die see sien. Die leefarea is oopplan en jy het alles wat jy benodig in die kombuis. Daar is veilige parkering vir twee voertuie in die kelder. Die perseel het 24 uur sekuriteit en daar is orals kameras strategies op die perseel. Jy is stapafstand vanaf die see en die winkels/restaurante. Die strand is swemvriendelik met lewensredders byderhand. Ek sal dit definitief aanbeveel.

Heerlike vakansie, veilig, ruim, luuks met 'n fantastiese see-uitsig. Colonial Sands het my verwagtinge oortref. My eenheid was baie ruim, luuks, skoon en met 'n pragtige uitsig oor die strand en see vanaf elke kamer. Sentraal geleë, 'n hanetree van alle winkels en op die hoofstrand, tog weg van die daaglikse verkeer en straatgeraas. Die skottelgoedwasser, wasmasjien, yskas-vrieskas en TV's met DStv-kanale, en swembad op die perseel het die verblyf nog meer gemaklik gemaak. Die hysbak in die gebou was 'n groot bonus vir my bejaarde moeder wat saam gereis het. Sekuriteit is uitstekend, en ek kon rustig slaap met die wete dat my voertuig veilig binne die perseel was met toegangsbeheer. Ek het al in vele plekke in Margate gebly vir vakansies, en ek moet eerlik sê dat Colonial Sands uitstaan bo die ander. Ek sal vir seker weer daar bespreek vir my volgende vakansie. Baie dankie vir 'n heerlike verblyf en vakansie.