Dageraad 2

Selfsorg

Soos Gesien op Facebook
Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Dageraadstraat 2, Struisbaai, 7285, Wes-Kaap
Vanaf R3 125 per nag (plek vir 8)

Beskrywing

Dageraad 2 is 'n pragtige ruim selfsorghuis geleë in Struisbaai met 'n swembad sowel as 'n groot en omheinde tuin wat dit 'n ideale vakansiebestemming vir die gesin of 'n groep vriende maak.

Dié huis het slaapplek vir tot 8 volwassenes met 2 klein kinders op 'n slag en beskik oor 4 slaapkamers en 3 badkamers. Die hoofslaapkamer is ingerig met 'n dubbelbed en 'n en suite-badkamer met 'n stort, wasbak en toilet. Daar is nog 2 slaapkamers wat elk 'n dubbelbed het, terwyl die vierde slaapkamer 'n enkelbed en 'n stapelbed het. Daar is nog 'n enkelbed in die solderarea. 'n Bad en 'n stort is beskikbaar in die tweede badkamer, terwyl die derde badkamer met 'n stort toegerus is.

Die hoofleefarea beskik oor 'n oopplan-ontwerp met 'n kombuis, eetarea en leefarea asook 'n binnebraai wat vanaf die sitkamer lei. Die kombuis is volledig toegerus met 'n stoof, oond, mikrogolf, yskas-vrieskas, eetgerei en breekware asook tee- en koffiemaakgeriewe. 'n Skottelgoedwasser, wasmasjien en tuimeldroër is beskikbaar.

Van die kombuis af lei 'n eetarea waar alle gaste hul maaltye saam kan geniet. Die sitkamer is ingerig met gemaklike rusbanke en 'n TV met 'n volledige verskeidenheid DStv-kanale.

Deur die stapeldeure is daar 'n groot buite-area met braaigeriewe, 'n swembad en 'n omheinde tuin waar gaste kan ontspan en son kan vang. Gaste kry 1 parkeergarage en ekstra parkeerplek op die perseel.

Kry ’n Kwotasie