Dakota Lodge

Hotel

Kapasiteit: 50 persone
Geen kinders
Inkloktyd: 14:00 tot 19:00
Uitkloktyd: 11:00
Adres: Hangar 5, Spitfire-singel, Rand Lughawe, Germinston, 1419, Gauteng
Vanaf R850 per nag, vir 2 mense
TGCSA-gradering:

Beskrywing

Kom ervaar die atmosfeer van vervloë dae met al die moderne geriewe. Dakota Lodge is gerieflik in die beeldskone, geskiedkundige Rand Lughawe geleë en bied 'n historiese, lugvaart-tema met 'n beeldskone uitsig van Johannesburg se middestad in die weste tot by Suikerbosrand in die suide. Ons lugvaart-tema is ter ere van die eerbiedwaardige Douglas DC-3, Dakota.

Die lodge bied 24 en suite-kamers, met 'n keur van "executive"-suite of dubbel- of enkelkamers. Elke kamer is toegerus met verstelbare lugversorging, 'n platskerm-TV met sekere satelliet-kanale, 'n kombuisie met 'n yskassie, mikrogolfoond en 'n ketel en 'n telefoon met 'n direkte lyn. Die kamers word daagliks skoongemaak.

Ons is volledig gelisensieer en bied 'n wye verskeidenheid alkoholiese en nie-alkoholiese drankies. Jy kan ook gerus 'n besoek aflê by Flippies Cockpit, ons skemerkroeg en die hoëveld se sonsondergange op die dek wat oor die Rand Lughawe se vliegveld uitkyk.

Die lodge het ook 'n 24 uur-ontvangstoonbank, geriewe soos 'n drukker, faksmasjien, skandering en e-pos vir sakereisigers, WiFi-toegang, wasgoeddienste, 'n gimnasium met heelwat toebehore en 'n koffiekroeg. Ons bied ook 'n pendeldiens en skilderagtige vliegritte kan gereël word op versoek. Die lodge is in 'n sekuriteitskompleks met toegangsbeheer geleë en parkeerstrokies is by ontvangs beskikbaar.

Ons kan ook 'n verskeidenheid konferensies en kleiner funksies vir 10 tot 50 gaste akkommodeer in 'n kleiner lokaal wat oor die vliegveld uitkyk. Troues en groter funksies vir 80 tot 500 kan in ons 2000 m²-grootte vliegtuigloods, met historiese vliegtuie as deel van die versiering, gehou word.

Kry ’n Kwotasie