Dawn Mountains Farm

Selfsorg

Kapasiteit: 14 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Simondiumweg - Klapmuts, Paarl, 7670, Wes-Kaap
Vanaf R2 500 per nag, vir 2 mense

Beskrywing

Dawn Mountains Farm is 'n familiebestuurde, unieke trou- en funksie-eiendom in die hartjie van die Franschhoekvallei met sy uitgestrekte wingerde en skilderagtige landskap. Die perseel is die perfekte opsie vir 'n wegbreek, troue, spesiale geleentheid en sakereis en die plaas bied ruim en gerieflike selfsorgverblyf aan familie en vriende.

Gaste het 'n keuse tussen 'n woonstel en kothuis op die grondverdieping of eerste verdieping wat slaapplek aan 2 tot 4 gaste bied. Die woonstelle het 2 slaapkamers met 2 enkelbeddens in elkeen en kan op versoek in koninggrootte-beddens omskep word. Die en suite-badkamers het 'n bad en stort. Die aparte kothuis het 2 enkelbeddens wat op versoek in 'n koninggrootte-bed omskep kan word, asook 'n en suite-badkamer met 'n stort.

Elke woonstel het 'n kombuis wat met 'n stoof, oond, mikrogolfoond en yskas toegerus is en gaste kan hul maaltye om die etenstafel geniet. Daar is ook 'n sitarea met 'n TV. Die kothuise se kombuis het 'n tweeplaatstoof, oondjie, mikrogolfoond, en 'n yskassie. Gaste kan in die sitarea voor die TV ontspan of op die stoep in die houtvuurwarmbad. Daar is ook buitebraaigeriewe en 'n uitsig oor die dam.

Gaste het ook 'n opsie van die glanskamptent. Dit het 'n koninggrootte-bed en 'n badkamer met 'n stort, bad, wasbak en 'n toilet. Die kombuisie is met 'n yskas en 'n mikrogolfoond toegerus.

Die perseel bied pakette, onder meer trou-geleenthede wat 100 tot 300 gaste kan huisves, asook Wudu- en Salaah-geriewe en 'n verskeidenheid spysenieringsverskaffers.

Kry ’n Kwotasie