Eight Palms

Gastehuis

Gratis kansellasie tot 24 uur voor jou verblyf!
Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Dean-weg 370, Port Edward, 4295, KwaZulu-Natal
Vanaf R1 000 per nag (plek vir 2)

Beskrywing

Eight Palms bied 3 lieflike eenhede in die hartjie van Port Edward. Dis net 500 m vanaf die hoofstrand en 200 m vanaf winkels en restaurante.

Die kothuis bied gemaklike beddens en selfsorggeriewe aan 6 gaste. Verkieslik 4 volwassenes en 2 kinders, aangesien die derde bed ’n dubbelslaapbank. Die kombuis is volledig toegerus met ’n tweeplaatstoof, yskas-vrieskas, broodrooster, ketel, koffie- en teestasie, eetgerei, breekware, potte, panne, bakke ens. Die oopplan-sitarea en -eetarea het ’n tweede bed en slaapbank.

Die etenstafel het sitplek vir 6 en die sitarea het ’n platskerm-TV met volledige DStv, asook gratis WiFi. Die eenheid het ’n lieflike buitebraai-area en pragtige tuin waar die kinders kan speel.

Die Dubbel En suite-tuinkamer 2 beskik oor ‘n dubbelbed, ekstra matrasse en bababed wat op versoek teen ekstra koste voorsien kan word. Die badkamer het ‘n bad en stort en handdoeke word voorsien. Die kamer is semi-selfsorg met ’n yskassie, mikrogolf, ketel, broodrooster, eetgerei en breekware, asook braaigeriewe. Daaglikse skoonmaakdiens, DStv en gratis WiFi is beskikbaar. Dié eenheid het ook ‘n gedeeltelike see-uitsig en lieflike tuin-uitsig met ‘n privaat stoep net langs ’n voëlhok met klein voëltjies.

Die Dubbel en suite-tuinkamer 3 het ‘n koninggrootte-bed of 2 enkelbeddens, ekstra matrasse en ‘n kot wat beskikbaar is op versoek. Die badkamer het ‘n stort en handdoeke word voorsien. Die kamer is semi-selfsorg met ’n yskassie, mikrogolf, ketel, broodrooster, eetgerei en breekware, asook braaigeriewe. Daaglikse skoonmaakdiens, DStv en gratis WiFi is beskikbaar. Dié eenheid het ook ‘n gedeeltelike see-uitsig en lieflike tuin-uitsig met ‘n privaat stoep.

Port Edward skuil tussen die Indiese Oseaan en KwaZulu-Natal se heuwels, en bied ‘n oorvloed strande, natuurreservate en voetslaanroetes. Doendinge en trekpleisters sluit fietsry, voetslaan, gholf, watersport, Water World-pretpark, Wild Coast Casino, natuurreservate, haaihokduik, koffieplaas, vuurtoring, visvang, Oribikloof zipline en diepseevisvang in.

Kry ’n Kwotasie