Escape the Ordinary

Selfsorg

Kapasiteit: 2 persone
Geen kinders
Inkloktyd: 09:00 tot 17:00
Uitkloktyd: 12:00
Adres: Phantom Pass-weg 8973, Knysna, 6570, Wes-Kaap
Vanaf R1 500 per nag (plek vir 2)

Beskrywing

Escape the Ordinary is 'n selfsorgwoonstel op die eienaar se perseel op die Phantom Pass Privaat Landgoed. Die eiendom is 10 km vanaf Knysna se middedorp en 14,5 km vanaf Brenton-on-Sea geleë.

Die woonstel het 'n privaat ingang en bied slaapplek aan 2 gaste. Die woonstel beskik oor 'n slaapkamer met 2 enkelbeddens wat in 'n koninggrootte-bed omskep kan word en 'n badkamer met 'n stort, toilet en 'n wasbak. Die oopplan-kombuis is met 'n yskas, mikrogolfoond, oond, stoof en ander toebehore toegerus. Die verblyf het 'n omsetter.

Die leefarea langsaan het 'n rusbank, 'n etenstafel met sitplek vir 2 en 'n TV. Gaste is welkom om van die braaigeriewe op die stoep gebruik te maak terwyl hulle die uitsig oor die vallei geniet. WiFi is beskikbaar. Gaste het ook toegang tot die gasheer se swembad. 'n Klein kajak is teen ekstra koste beskikbaar. Visvangtoerusting is 1 km weg by die Knysnarivier beskikbaar.

Die eiendom is die ideale basis waarvandaan gaste die omliggende bergfiets- en voetslaanroetes en ander besienswaardighede op die Tuinroete kan verken. Dit is ook naby Charlesford Plaas waar gaste vars produkte kan koop. Veilige parkeerplek is op die perseel beskikbaar.

Kry ’n Kwotasie