Footprints of Knysna

Selfsorg

Kapasiteit: 8 persone
Geen kinders onder 6
Inkloktyd: 13:00 tot 20:00
Uitkloktyd: 10:00
Adres: Boekenhoutstraat 21, Upper Old Place, Knysna, 6571, Wes-Kaap
Vanaf R890 per nag, vir 2 mense

Beskrywing

Footprints of Knysna bied 'n ontspanne, oop en vriendelike omgewing met hoë standaarde vir gerief en diens. Footprints het 'n "lekker-voel"-atmosfeer en elke kamer het sy eie styl en dekor. Die nuwe eienaars bring jare se ervaring in die gasvryheids- en toerismebedryf om behoorlik nuwe lewe in hierdie instansie te blaas.

Al die woonstelle het privaat inagnge, volledige en suite-badkamers, privaat dekke met braai-areas, WiFi, DStv-hotelpakket, lugversorging of waaiers, verwarmers en kombuisgeriewe. Die uitleg bied gaste hulle eie privaat area, en die enigste gemeenskaplike areas is die tuin en swembad.

Die perseel is volledig omhein en het veilige parkeerplek. Rook is verbode in al die kamers en dit word

Heads Up is 'n woonstel op die boonste verdieping met slaapplek vir 2 of 3 gaste. Dit is met 'n skeepvaart-tema in blou en wit versier en is vir selfsorg ingerig. Daar is 'n oopplan-sitkamer, volledig toegeruste kombuis, eetkamer en 'n slaapbank. Die woonstel het 'n aparte slaapkamer met 'n koningingrootte-bed en 'n volledige en suite-badkamer. Hierdie gerieflike verblyf het 'n privaat ingang en is geskik vir 'n paartjie of 'n paartjie met 1 ouer kind. Die woonstel se privaat dek met sitplek bied ononderbroke uitsigte op die Knysna-Koppe en oor die strandmeer.

Down to Earth is 'n woonstel op die onderste verdieping met slaapplek vir 4. Dit is 'n praktiese gesinskamer met 'n volledige en suite-badkamer. Die sit- en slaaparea is oopplan met 'n koninggrootte-bed of 2 enkelbeddens, asook dubbelstapelbeddens. Dit lei na 'n volledig toegeruste kombuis en eetarea wat dit 'n lekker ruim woonstel maak met genoeg plek vir 'n gesin of vriende. Dit is in helder en aardse kleure versier. 'n Privaat onderdak-dek met sitplek lei na die tuin en het lieflike uitsigte oor die Knysna-strandmeer.

Ons Featherbed-ateljeewoonstel het slaapplek vir 2 gaste. Dié romantiese eenheid is op die boonste verdieping en het 'n kombuisie en eetarea langsaan en beperkte uitsigte oor die Knysna-strandmeer en Featherbed Natuurreservaat. 'n Romantiese, knus en kleurvolle slaapkamer met 'n koningingrootte-bed, TV-area en volledige en suite-badkamer. Dié eenheid sal jou bekoor met sy oulike boheemse dekor. Dit beskik ook oor 'n privaat dek, lugversorging en 'n verwarmer. Geen kinders onder 12 jaar word in hierdie kamer toegelaat nie.

Footprints of Knysna is 'n entjie van die N2 af, maar net 5 minute se ry vanaf Knysna se gonsende middedorp, die waterfront, Thesen-eiland en die rustige Leisure Isle. Daar is 'n eklektiese verskeidenheid winkels, galerye en doendinge vir die nuuskierige reisiger. In hierdie bosdorp met sy omliggende strande, mere, berge, woude en riviere sal Footprints verseker dat vakansiegangers nooit verveeld raak nie.

Kry ’n Kwotasie

Dít is wat jy hier sal kry

Tee en koffie

Gratis, veilige parkeerplek

WiFi

Swembad

Mooi uitsig

Resensies

4.8/ 5

Gebaseer op 37 resensies

Uitstekend

Netheid

4.9

Ligging

4.8

Waarde vir geld

4.8

Diens

4.8

Veiligheid

4.8

Gaste se hoogtepunte

Magda V

Saam met lewensmaat

5.0

Die uitsig was asemrowend. Beslis waarde vir geld en die moeite werd. Perfekte verbly, heerlik gebly, aanbeveelbaar, goed geleë, pragtige uitsig, ruim...

Sien meer

Sep 2024

Sheridon A

Saam met lewensmaat

5.0

Eienaar was baie vriendelik en het hulp aangebied met besienswaardighede. Eienaar het kontak met ons behou terwyl ons oppad was. Met aankoms was ons o...

Sien meer

Aug 2024

Adri B

Saam met lewensmaat

5.0

Lekker cosy verblyf. Het regtig lekker gebly. Oulike plekkie met alles wat nodig is. Skoon en vriendelike ontvangs.

Apr 2024

Erica V

Gesin met tieners

5.0

Fantasties. Baie lekker gebly. Die plek is baie netjies en mooi en waarde vir jou geld.

Des 2023

Lizelle K

Gesin met tieners

5.0

Rustig, netjies, goed toegerus. Die eenheid is goed toegerus met alles wat jy kan benodig, dis skoon en rustig. Kathryn is 'n baie vriendelike en hulp...

Sien meer

Des 2023

Sien al 37 resensies