Halfmoon Hollow Eco Cottage
- Gratis kansellasie tot 24 uur voor jou verblyf!
- Soos Gesien op Instagram
- Kapasiteit: 2 persone
- Alle ouderdomme is welkom
-
Inkloktyd: 14:00 tot 18:00
Uitkloktyd: 10:00 - Adres: Op die R328 aan die voet van die Robinsonpas, Ruiterbos, Mosselbaai-distrik, 6507, Wes-Kaap
- Vanaf R1 250 per nag (plek vir 2)
Beskrywing
HalfMoon Hollow Eco Cottage is ’n lieflike selfsorgkothuis vir 2 gaste in ’n klein vallei aan die voet van die Outeniekwa-berge langs ’n stroom. Dit is 30 km vanaf Mosselbaai. Dit is ideaal vir 'n romantiese wegbreek, natuurliefhebbers en voëlkykers, of gaste wat uit die besige stadslewe wil ontsnap.
Hierdie unieke eko-vriendelike kothuis is deur die eienaars self gebou. Dit maak van sonkrag gebruik en water word deur die bergstroom voorsien. Al die houtwerk is gemaak van bome van die plantasie, waarvan sommige bome ouer as 18 jaar oud is en deur die eienaars geplant is.
Die kothuis beskik oor 1 slaapkamer, 1 badkamer, ’n kombuis en ’n sitarea. Die slaapkamer het ’n dubbelbed en die privaat badkamer het ’n stort en ’n kompostoilet. Omdat die kothuis so naby die stroom is, is daar nie ’n spoeltoilet nie. In plaas daarvan om te spoel, moet ’n koppie dennesaagsels ingegooi word nadat die toilet gebruik is. Dit hou die toilet vars en maak dat die komposproses vinniger plaasvind. Daar is 2 slaapbanke vir kinders op versoek beskikbaar. Linne en badhanddoeke word voorsien en gaste moet asb. hul eie swemhanddoeke saambring.
Die ongekunstelde kombuis is met ’n yskas, gasstoof, eetgerei, breekware, potte, panne en tee- en koffiemaakgeriewe toegerus. Etes kan by die etenstafel geniet word. Die sitarea het ’n kaggel en lei na ’n dek met braaigeriewe. Die kothuis het nie ’n TV of WiFi nie, en daar is beperkte selfoonontvangs.
Die dek het ’n sitarea en braaigeriewe. In die somer kan gaste in die privaat plonspoel afkoel. Dit word aanbeveel dat gaste voor die tyd die nodige koop, aangesien daar nie plaaslike winkels is nie.
Gaste kan na die plaasdam stap, waar hulle dalk die plaaslike bobbejaantrop kan sien. Gaste kan ook die plaaslike stappaadjies verken, waar daar bosbokke, ystervarke, otters en selfs rooikatte gesien kan word. Daar is verskeie voëlspesies op die plaas, waar daar ook meer as 120 inheemse boomspesies en verskeie tipes fynbos is.
Aktiwiteite in Ruiterbos sluit perdry, voetslaan- en fietsroetes, 'n troeteldierpark en The Western Cape Butterfly Sanctuary in. Daar is ook verskeie restaurante en kroeë naby.
Kamer-opset
Slaapkamer
1 x Dubbelbed
Badkamer
Stort, Toilet
Dít is wat jy hier sal kry
Resensies
Ontmoet jou gasheer
Kyk 'n bietjie na die gasheer se rekord.
4.7/5
Div Geverifieer
Eiendomme 1
Resensies 5
Op LekkeSlaap 3 jaar
Ligging
- Op die R328 aan die voet van die Robinsonpas, Ruiterbos, Mosselbaai-distrik, 6507, Wes-Kaap
- Gaste dink Halfmoon Hollow Eco Cottage het ’n baie goeie ligging
- Gratis kansellasie tot 24 uur voor jou verblyf!
- Kapasiteit: 2 persone
- Alle ouderdomme is welkom
-
Inkloktyd: 14:00 tot 18:00
Uitkloktyd: 10:00 - Adres: Op die R328 aan die voet van die Robinsonpas, Ruiterbos, Mosselbaai-distrik, 6507, Wes-Kaap
Welkom by LekkeSlaap
Welkom terug!
Verander jou wagwoord?
Sluit by ons nuusbrief aan!
Skep ’n profiel om jou besprekings te bestuur
Teken by jou LekkeSlaap-profiel in
Vul jou e-posadres in om te begin
Teken in om spesiale aanbiedinge te ontvang