Hippo Hills

Selfsorg

Soos Gesien op Facebook
Kapasiteit: 10 persone
Alle ouderdomme is welkom
Inkloktyd: 14:00 tot 00:00
Uitkloktyd: 10:00
Adres: Whisky-plaas, N4-hoofweg, Komatipoort, 1343, Mpumalanga
Vanaf R7 700 per nag (plek vir 10)
TGCSA-gradering:

Beskrywing

Hippo Hills is 'n luukse grasdakhuis op die prentjiemooi oewer van die Krokodilrivier en dit spog met 'n uitsig oor die Krugerwildtuin.

Hippo Hills bied slaapplek aan 10 gaste en beskik oor 5 privaat en suite-slaapkamers. Op die boonste verdieping is daar 3 ruim slaapkamers en op die onderste verdieping is daar nog 2 slaapkamers. Die eerste slaapkamer het 'n koningingrootte-bed en 'n en suite-badkamer met 'n toilet, wasbak en 'n stort. Die tweede en derde slaapkamer het elk 2 enkelbeddens en 'n en suite-badkamer met 'n toilet, wasbak, bad en 'n stort. Die vierde slaapkamer het 'n koningingrootte-bed en 'n en suite-badkamer met 'n toilet, wasbak, bad en 'n stort. Die vyfde slaapkamer het 2 enkelbeddens en 'n en suite-badkamer met 'n toilet, wasbak en 'n stort. Boonop spog elke slaapkamer met 'n uitstekende uitsig oor die Krokodilrivier.

Daar is 'n oopplan-sitarea en -eetarea met genoeg sitplek en 'n TV met sekere DStv-kanale. Die oopplan-kombuis is met 'n stoof, oond, mikrogolfoond, koffiemasjien, skottelgoedwasser, broodrooster en tee- en koffiemaakgeriewe toegerus. Die huis beskik oor pragtige buite-areas met sitplek, braaigeriewe, 'n swembad en 'n uitsig oor die sonsondergang.

Hippo Hills is in die Krugerwildtuin se grense geleë en vorige gaste het al hiér die Groot 5 gesien. Die huis is op 'n rivieroewer geleë waar die voëllewe manjifiek is. Gaste kan self die Krugerwildtuin verken, waarvan die hek net 8 km ver is, of 'n privaat safari-ervaring reël.

Kry ’n Kwotasie