Honey Lodge

Lodge

Kapasiteit: 23 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Kaallaagteweg 122, Dinokeng Wildreservaat, Pretoria, 0001, Gauteng
Vanaf R945 per nag (plek vir 3)

Beskrywing

Honey Lodge is in die Dinokeng Wildreservaat geleë en bied selfsorgverblyf aan individue, paartjies, gesinne en groepe. Jy kan wildkyk vanaf die lapa wat ook 'n lieflike uitsig oor die Kaallaagtevallei stroompies en damme bied. Honey Lodge is 50 km noord van Pretoria en 108 km van Johannesburg af. Daar woon 2 katte op die perseel en hulle is vriendelik met gaste.

Daar is 7 en suite-gastekamers met slaapplek vir 19. Elke kamer het 'n yskas, lugversorging en 'n kluis. Die hoofhuis het 'n gemeenskaplike kombuis wat volledig toegerus is en 'n gemeenskaplike sitkamer met sekere DStv-kanale. Die sitkamer lei na 'n stoep. Daar is ook WiFi, 'n lapa met 'n gasbraai en 'n swembad. Gaste deel al die gemeenskaplike areas.

Die boma is ideaal as jy saans voor die vuur wil sit omring deur die natuurklanke. Bedags kan jy 'n selfry-wildrit (6 km) op Honey Lodge se perseel aanpak, of luilekker in of langs die kindervriendelike, verhitte swembad ontspan. Jy kan ook die bosveld van die swembad af bewonder. Die lodge en die Dinokeng Wildreservaat is 'n voëlkykparadys en daar is 'n voëlkyk-skuiling. Die area is malaria-vry, en net 97 km vanaf O.R. Tambo Internasionale Lughawe en 102 km van Lanseria Internasionale Lughawe af.

Kry ’n Kwotasie