House on Suikerbossie

Selfsorg

Gratis kansellasie tot 1 week voor jou verblyf!
Kapasiteit: 8 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Suikerbossiestraat 138, Vanderkloof, 8771, Noord-Kaap
Vanaf R3 200 per nag, vir 8 mense

Beskrywing

House on Suikerbossie is die bekoorlike dorpie Vanderkloof op die oewer van die Vanderkloofdam geleë. Die verblyf beskik oor die hoofhuis en 'n aparte woonstel.

Dié losstaande huis het slaapplek vir 6 gaste en beskik oor 3 slaapkamers en 2 badkamers. Die kamers het elk 2 ekstra lang enkelbeddens, oorgenoeg rakruimte en plafonwaaiers. Die badkamer het 'n stort, wasbak en 'n aparte toilet. Die hoofslaapkamer het lugversorging en 'n en suite-badkamer met 'n bad en 'n stort.

Die oopplan-kombuis is met 'n yskas, mikrogolf, tee- en koffiemaakgeriewe, skottelgoedwasser en 'n wasmasjien toegerus. Die sitarea het 'n TV met sekere DStv-kanale, 'n Bluetooth-luidspreker en lugversorging.

Die leefarea lei na 'n stoep met 'n ingeboude braai en 'n bied 'n uitsig oor die tuin en vuurput. Daar is onderdakparkeerplek vir 2 voertuie. Daar is 'n privaat buitestort vir diegene wat onder die sterre wil stort. Die swembadjie bied gaste die geleentheid om af te koel terwyl hulle 'n uitsig oor die dam vanaf die voortuin geniet. 'n Skoonmaakdiens is op versoek teen 'n ekstra koste beskikbaar.

Die woonstelletjie op dieselfde perseel het slaapplek vir 2 ekstra gaste en en het 'n slaapkamer met 'n koningingrootte-bed, 'n badkamer, 'n oopplan-sitarea met 'n platskerm-TV en 'n kombuisie wat ten volle toegerus is.

Vanderkloofdam bied verskeie doendinge, soos visvang, kajak- en bootvaart. Gaste kan op die die Pied Barbet-staproete in die Rolfontein Natuurreservaat gaan stap of die Eskom Hidro-elektriese Kragstasie gaan besoek. Gaste kan ook die ryk voël- en inseklewe in die rustige privaat tuin sien.

Kry ’n Kwotasie