Induku Lodge

Lodge

Langtermynverblyf-aanbod 15% af

Kry 15% af vir verblyf wat 5 nagte of langer is. Hierdie aanbod is altyd geldig.

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Rinkhals-laan 2070, Marlothpark, 1321, Mpumalanga
Vanaf ~~R3 134~~ R2 664 per nag, vir 8 mense

Beskrywing

Induku Lodge is 'n lieflike grasdakhuis in Marlothpatrk, Mpumalanga. Die selfsorghuis bied slaapplek aan 8 gaste wat dit ideaal maak vir 'n gesin of groep vriende.

Dié huis beskik oor 2 slaapkamers op die onderste verdieping wat elk 'n koningingrootte-bed het en 2 slaapkamers op die boonste verdieping waarvan een 'n dubbelbed het en die tweede kamer 2 driekwartbeddens het. Linne en handdoeke word voorsien. Daar is 2 badkamers waarvan een 'n stort, toilet en 'n wasbak het en bo is en een het 'n bad, stort, toilet en 'n wasbak en is onder.

Daar is 'n lieflike area bo met 'n rusbank en hangmatte. Die kombuis is met 'n vierplaatstoof, oond, yskas-vrieskas, mikrogolfoond, 'n broodrooster, eetgerei en breekware toegerus.

Die lodge is ideaal vir paartjies of gesinne wat tyd saam wil spandeer en die wild wat deur die tuin beweeg te bekyk. Benewens die voëllewe, loop spesies soos vlakvarke, sebras, koedoes, bosbokke, rooibokke, meerkatte, likkewane, wildebeeste, nagapies, ape en kameelperde in die omgewing rond. Gaste kan die leeus vanaf die dek in die nag hoor brul, terwyl die leeus van die Kruger deurkom en die inwonende leeus van Lionspruit uitdaag.

Kry ’n Kwotasie