Izintaba Lodge

Selfsorg

Kapasiteit: 15 persone
10 volwassenes, 5 kinders
Alle ouderdomme is welkom
Inkloktyd: 15:00 tot 21:00
Uitkloktyd: 09:00
Adres: Lephalale Plaaslike Munisipaliteit, Tuissenek, 0530, Limpopo
Vanaf R7 008 per nag, vir 10 mense

Beskrywing

Izintaba Lodge is op 'n privaat wildsplaas, net 290 km noord vanaf O.R. Tambo Internasionale Lughawe, buite Vaalwater in die Waterberge geleë.

Izintaba Lodge bied slaapplek aan 15 gaste en beskik oor 5 slaapkamers en 'n solder. Op die onderste verdieping is daar 3 en suite-slaapkamers met koninggrootte-beddens. Die vierde en vyfde slaapkamer het elk 3 enkelbeddens. Die gaste in hierdie 2 slaapkamers op die boonste verdieping deel 'n skakelbadkamer. Daar is ook 'n ruim solderkamer op die boonste verdieping met 3 enkelbeddens en 'n dubbelslaapbank indien nodig.

Die kombuis is met 'n yskas-vrieskas, 2 stowe, 2 oonde, een elektries en die ander gas, en 'n skottelgoedwasser toegerus. Die oopplan-leefarea beskik oor 'n sitarea, eetarea en 'n kroeg met 'n pooltafel. Ander geriewe sluit 'n privaat swembad, braai-area en lapa in.

Izintaba Lodge is 'n ideale gesinsvakansiebestemming, wat kinders van alle ouderdomme verwelkom. Dit gee gaste die vryheid om teen hul eie pas die bos te verken, hetsy deur stap, voetslaan, bergfietsry, visvang of voëlkyk, of om die lodge se 1200-ha-wildreservaat met 'n wildrit te bewonder. Gaste kan met hulle eie voertuig gaan wildkyk of die lodge se wildritvoertuig gebruik. Die lodge spog met 2 sonsondergangdekke met asemrowende uitsigte oor die Waterberge, 2 piekniekplekke en 'n dam vir kranige hengelaars.

Kry ’n Kwotasie