K&D's Plek

Selfsorg

Gratis kansellasie tot 1 week voor jou verblyf!
Kapasiteit: 8 persone
Alle ouderdomme is welkom
Inkloktyd: 15:00 tot 19:00
Uitkloktyd: 10:00
Adres: Theron-straat 9, Tulbagh, 6820, Wes-Kaap
Vanaf R4 000 per nag (plek vir 8)

Beskrywing

K&D's Plek bied lieflike selfsorgvakansieverblyf in die hartjie van Tulbagh. Dit kan 'n wonderlike opsie wees vir 'n groot groep vriende of 'n gesinswegbreek, aangesien hierdie ruim eiendom 'n uitnodigende plonspoel het wat ideaal is vir die somer.

Dié eiendom kan gemaklik altesaam 8 gaste op 'n slag akkommodeer en bestaan uit 'n hoofhuis en 'n aparte oopplan-ateljee. Die hoofhuis beskik oor 3 en suite-slaapkamers, terwyl die ateljee ook 'n en suite-slaapkamer het. Al die slaapkamers is ingerig met 'n koningingrootte-bed wat toegerus is met kraakvars wit linne. In die hoofhuis het 2 van die en suite-badkamers 'n bad en 'n stort, terwyl die derde badkamer 'n bad het. Die ateljee se en suite-badkamer het 'n stort. Bad- en swemhanddoeke word voorsien.

Die ruim leefarea van die hoofhuis beskik oor 'n kombuis wat volledig toegerus is met 'n gasstoof, elektriese oond, mikrogolfoond, yskas-vrieskas, eetgerei en breekware asook tee- en koffiemaakgeriewe. Vir gaste se gerief is 'n skottelgoedwasser, wasmasjien en tuimeldroër ook beskikbaar. Die ateljee se kombuis het 'n tweeplaatstoof, mikrogolfoond en yskassie. Die ateljee het ook 'n sitkamer met 'n TV. Die hoofhuis het 'n etenstafel met oorgenoeg sitplek en 'n sitkamer waar gaste met 'n boek kan ontspan. Komplimentêre WiFi is beskikbaar.

Buite is daar 'n onderdakstoep met 'n buite-etenstafel en braaigeriewe wat 'n wonderlike plek is vir gaste om met 'n skemerkelkie te ontspan. Op daardie warm somersdae kan gaste in die plonspoel afkoel. Die eiendom het ook veilige parkeerplek vir gaste se voertuie.

Kry ’n Kwotasie