Experience 1880

Selfsorg

Soos Gesien op Instagram
Kapasiteit: 11 persone
Alle ouderdomme is welkom
Inkloktyd: 12:00 tot 18:00
Uitkloktyd: 10:00
Adres: R617, 48 km buite Underberg, 3257, KwaZulu-Natal
Vanaf R7 150 per nag, vir 11 mense

Beskrywing

Experience 1880 is op 'n plaas 48 km vanaf Underberg geleë en bied gehalteverblyf aan 'n gesin of 'n vriendegroep.

Die huis beskik oor 5 slaapkamers en het slaapplek vir 11 gaste in totaal. Van die 5 slaapkamers, het 4 kamers elkeen 2 enkelbeddens en daar is 'n dubbelbed, 1 enkelbed en 'n bababed in die vyfde slaapkamer. Elke kamer het 'n blikbad en 'n toilet met skermdeure. Daar is ook 'n aparte badkamer met 'n Victoriaanse bad en toilet. Verder is daar kaggels in 4 van die slaapkamers en warm water word deur 'n donkie-geiser verskaf.

Die kombuis is met 'n gasstoof en -oond, 'n gasyskas-vrieskas, tee- en koffiemaakgeriewe, eetgerei en breekware toegerus. Die sitarea het gemaklike rusbanke, 'n kaggel en 'n eetarea met genoeg sitplek. Daar is lieflike braaigeriewe op die stoep wat gaste gerus kan gebruik.

Veilige parkeerplek is op die perseel beskikbaar. Die huis is onafhanklik van die tradisionele kragnetwerk en het nie elektrisiteit nie.

Kry ’n Kwotasie