Klein Riviertjie

Selfsorg

Gratis kansellasie tot 1 week voor jou verblyf!
Soos Gesien op Instagram
Kapasiteit: 4 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Rietfontein Plaas, 80 km vanaf Beaufort-Wes, 6970, Wes-Kaap
Vanaf R3 500 per nag, vir 4 mense

Beskrywing

Klein Riviertjie is 'n bekoorlike, rustieke selfsorgkothuis wat 'n romantiese wegbreek of onvergeetlike gesinsvakansie bied. Hier kan gaste die skoonheid van die Karoo met sy ongerepte landskappe, asemrowende sonsondergange en magiese sterrehemel ervaar. Gaste kan douvoordag op die plaas gaan stap en die eindelose stofpaaie met 'n bergfiets aandurf.

Die kothuis bied slaapplek aan 4 gaste en beskik oor 2 slaapkamers, 1 badkamer, 'n kombuis, eetarea en 'n leefarea. Die eerste slaapkamer het 'n dubbelbed en 'n Aga-stofie wat met hout werk. Die tweede slaapkamer het 2 enkelbeddens en daar is 'n stort, toilet en 'n wasbak in die badkamer.

Die kombuis is met 'n gasstoof en -oond, gasyskas, koffie- en teemaakgeriewe, eetgerei en breekware toegerus. Die eetarea het 'n tafel met sitplek vir 4 gaste.

Buite is daar 'n onderdakstoep met 'n etenstafel, sitplek, hangstoele en 'n klein, seisoenale plonspoel. Daar is ook braaigeriewe en 'n buitestort.

Gaste sal hulself in die hartjie van die Karoo, 81 km noord van Beaufort-Wes, bevind. Klim op die skilderagtige grondpad en kom verken die skoonheid van die Karoo.

Kry ’n Kwotasie