Lakeview villa

Selfsorg

Kapasiteit: 12 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Lakeview Pecanwood 21, Hartebeespoortdam, 2162, Noordwes
Vanaf R7 000 per nag (plek vir 12)

Beskrywing

Lakeview villa skuil op die Pecanwood Gholflandgoed op die Hartbeespoortdam se oewer. Die selfsorghuis het 'n unieke styl, is stylvol ingerig en spog met 'n asemrowende uitsig oor Hartbeespoortdam.

Die vyfslaapkamerhuis bied slaapplek aan 12 gaste. Daar is 2 enkelbeddens in 2 van die slaapkamers en een van hulle het 'n en suite-badkamer met 'n stort en 'n bad. Die derde slaapkamer het 'n koningingrootte-bed en 'n en suite-badkamer met 'n stort. Die vierde slaapkamer het 2 stapelbeddens vir 4 gaste en die vyfde slaapkamer het 'n koninggrootte-bed. Daar is ook 2 badkamers wat gedeel word, waarvan een 'n stort en 'n bad het en die ander een slegs 'n stort het.

Die huis beskik oor 'n ruim oopplan-leefarea met 'n pragtige sitarea met 'n kaggel en 'n etenstafel. Die moderne kombuis is met 'n stoof, oond, mikrogolfoond, yskas-vrieskas, eetgerei, breekware en tee- en koffiemaakgeriewe toegerus. Daar is ook 'n wasmasjien, tuimeldroër en 'n skottelgoedwasser. Langs die leefarea is daar 'n speletjieskamer met 'n pooltafel, veerpyltjiebord en bordspeletjies.

Buite op die dek is daar 'n etenstafel met sitplek vir 12, braaigeriewe en 'n uitsig oor die dam. Daar is ook 'n privaat swembad, Jacuzzi en 'n versonke boma.

Kry ’n Kwotasie