Lavender House & Lavender Room

Selfsorg

Kapasiteit: 12 persone
Alle ouderdomme is welkom
Inkloktyd: 15:00 tot 19:00
Uitkloktyd: 10:00
Adres: Van der Riet 14, Port Alfred, 6170, Oos-Kaap
Vanaf R850 per nag, vir 2 mense

Beskrywing

Lavender House & Lavender Room is in Port Alfred geleë, 100 m vanaf die rivier en 15 m vanaf restaurante, 'n gesondheidswinkel, oulike geskenk- en dekorwinkels, 'n hotel en skemerkelkiekroeg. Al hierdie is binne maklike en veilige stapafstand.

Lavender House bied die ultieme ontspanne strandhuisvakansieverblyf. Dit word as 'n selfsorg-eenheid verhuur en het slaapplek vir tussen 8 en 10 mense. Daar is 3 slaapkamers met ekstra-lengte koningingrootte-beddens. Die hoofkamer het ook 'n stapelbedstel. Die vierde slaapkamer is ingerig met 3 driekwartbeddens. Perkallebeddegoed, sowel as bad- en strandhanddoeke word voorsien. Die huis het 3 badkamers, waarvan 2 en suite is terwyl die derde deur 2 kamers gedeel word.

Die huis bied ook 'n oopplan, volledig toegeruste kombuis met 'n yskas, 'n stoof en 'n mikrogolfoond asook 'n skottelgoedwasser en wasmasjien vir ekstra gerief. Daar is 2 sitkamers en 'n eetarea. Geriewe sluit 'n Hi-Fi-stelsel en 'n binnenshuise kaggel in.
Netflix en Wifi is ook beskikbaar.

Lavender Room het 'n dubbelbed, 'n tafel en stoele vir 2 gaste, en 'n oopplan-kombuisie. Die kombuisie is toegerus met 'n yskas, broodrooster, ketel, koffiemasjien, mikrogolfoond en mini-oond. Die badkamer is apart met 'n stort, toilet en wasbak. Die ingang is apart van die hoofhuis met 'n tuintjie, sitarea en ingeboude braai.

Lavender House en Lavender Room kan as een eenheid vir 'n groot groep of apart bespreek word. Lavender Room het sy eie ingang maar deel parkeerplek met Lavender House.

Daar is parkeerplek van die straat af vir beide in die tuin en 'n oprit vir waentjies. Aan die agterkant van die huis is daar 'n volledig omheinde privaat tuin met 'n dek en braaigeriewe. Neem asseblief kennis dat daar geen hek voor die huis is nie.

Die manjifieke strand is 1 km verder in die pad. Ses malariavrye wildparke is in die area te vinde en vir die sportiewes is daar die Royal Port Alfred Gholfbaan, tennis, rolbal, bootvaart, kanovaart, diepseehengel en duik beskikbaar.

Lughawe-transfers kan gereël word aangesien ons ideaal geleë is 150 km Gqeberha (Port Elizabeth) en 130 km Oos-Londen.

Kry ’n Kwotasie