Leeu Lê

Selfsorg

Kapasiteit: 12 persone
Alle ouderdomme is welkom
Inkloktyd: 14:00 tot 22:00
Uitkloktyd: 09:00
Adres: Maroela-straat 1056, Marlothpark, 1321, Mpumalanga
Vanaf R820 per nag (plek vir 4)

Beskrywing

Leeu Lê is sentraal in Marlothpark geleë en bied gehalteverblyf aan 'n gesin of 'n groep vriende van 8. Dit is maklik vanaf die N4 bereikbaar en lekker naby verskeie aktiwiteite, besienswaardighede en geriewe.

Die huis het 3 slaapkamers en bied slaapplek aan 8 gaste. Die hoofslaapkamer het 'n dubbelbed, enkelbed en 'n en suite-badkamer met 'n stort. Die tweede slaapkamer het 'n dubbelbed en 'n enkelbed, en die derde slaapkamer het 'n dubbelbed. Gehalte-matrasse, -kussings en -linne word voorsien. Die tweede badkamer is apart en het ook 'n stort. Die hoofslaapkamer het lugversorging en die ander slaapkamers het waaiers.

Die kombuis is ten volle toegerus met 'n stoof, oond, yskas-vrieskas, koffie- en teemaakgeriewe, eetgerei en breekware.

Die sitkamer het genoeg sitplek. Daar is braaigeriewe en stoepmeubels op die stoep, en 'n plonspoel om op warm somersdae af te koel, omsetter en gratis internet.

Slegs 1 eiendom skei Leeu Lê van Lionspruit, so gaste sal die gebrul van die leeus kan hoor.

Die park het verskeie geriewe soos 'n gemeenskaplike swembad en 'n restaurant op die Krokodilrivieroewer waar gaste 'n skemerkelkie kan geniet terwyl hulle kyk hoe die diere water kom drink. Daar is ook 'n waterpark met glybane.

Gaste kan tydens hul verblyf hul oë vir sebras, bosvarke en ander natuurlewe oophou. Saans is daar ook nagapies by die voerpunte.

Leeu Lê is ongeveer 800 m vanaf die grens van die Krugerwildtuin wat deur die Krokodilrivier geskei word.

Nag- en daguitstappies is teen bekostigbare tariewe in die park en die Krugerwildtuin beskikbaar.

Mosambiek se grens is ongeveer 31 km ver en Swaziland se grens is 77 km ver. Gaste kan ook die Panoramaroete by Hazyview, wat 148 km ver is, besoek en God's Window, die Bourke's Luck-kolkgate by die Blyde River Gateway en Mac Mac met pragtige uitsigte verken. Gaste kan ook die wilde perde by Kaapsche Hoop aan die ander kant van Mbombela (Nelspruit) gaan bewonder.

Kry ’n Kwotasie

Dít is wat jy hier sal kry

Gratis, veilige parkeerplek

WiFi

Swembad

Resensies

4.6/ 5

Gebaseer op 32 resensies

Uitstekend

Netheid

4.6

Ligging

4.4

Waarde vir geld

4.5

Diens

4.6

Veiligheid

4.8

Gaste se hoogtepunte

Arno R

Gesin met klein kinders

5.0

Quiet place. Great place, clean and very beautiful.

Word in die oorspronklike taal vertoon.

Aug 2024

Marié B

Gesin met klein kinders

5.0

Awsomeness. Baie netjies en skoon! Sal vir seker weer daar gaan bly!

Jul 2024

Leonie C

Gesin met klein kinders

5.0

Lekker gebly en geswem. Die kinders was baie bly om diere so op te sien. Verskriklik lekker gebly. Dit was so rustig en die lekkerste plek om net te o...

Sien meer

Des 2023

Freddie P

Saam met lewensmaat

5.0

Fantasties! Vreeslik lekker gebly. Die Omskakelaar (Inverter) het 'n groot verskil gemaak tydens beurtkrag skedules.

Nov 2023

Helena L

Saam met lewensmaat

5.0

Baie lekker goed toegerus. Lekker gebly, sal WiFi aanbeveel aangesien selfoonsein baie swak is. Ook gasstoof vir as weer baie bewolk is, dan kan inver...

Sien meer

Nov 2023

Sien al 32 resensies