Beskrywing

Les 3 Marulas is 'n herehuis in 'n safari-styl met 'n pragtige grasdak in Marloth Park. Besoeke aan die Kruger Wildtuin is natuurlik die hoofrede waarom vakansiegangers Marloth Park besoek. Die Kruger Wildtuin se Krokodilbrughek is net 20 minute se ry van Les 3 Marulas af. Jy kan die wildtuin in jou eie, gewone motor besoek, of saam met 'n gids in 'n spesiale safari-voertuig.

Die huis het plek vir 10 gaste in 4 kamers met en suite-badkamers en lugversorging en 1 safari-kamer. Al die nodige handdoeke en beddegoed word voorsien en die huis is luuks ingerig. Buite is daar 'n swembadjie waarin jy kan afkoel en daar is ook 'n heerlike lapa-braaiplek. Daar is nou WiFi op versoek beskikbaar. Die dame wat jou verwelkom is beskikbaar om jou met enige iets te help gedurende jou verblyf.

Marloth Park is uniek, dit is 'n dorp binne die grense van 'n wildreservaat. Daar is geen heinings nie, so die koedoes, wildebeeste, rooibokke, waterbokke, sebras en kameelperde loop vry rond - dit is uiters opwindend om papajas, piesangs en lusern vir die diere te voer.

Geen troeteldiere word toegelaat in Marloth Park nie. Rook is verbode binne die huis, maar asbakkies is beskikbaar buite. Die huis is versier met handwerk en kuns uit verskeie lande, behandel hierdie items asseblief met die nodige respek.

Marloth Park se handelsentrum verkoop al die nodige produkte, soos kruideniersware en vleis, en daar is ook restaurante, 'n vulstasie, OTM, hardewarewinkel, motorhuur en 'n motorwas beskikbaar. Verder is daar 'n groot swembad en 'n tennisbaan, en gholf (langs Marloth Park). Geniet ontbyt en vonkelwyn by Leeuspruit, onderneem 'n daguitstappie na Mosambiek en Swaziland of die bekende Blyderiviercanyon. Perdry en olifant-safari's is ook beskikbaar in die omgewing.