Marlothii Safari House

Selfsorg

Kapasiteit: 7 persone
Alle ouderdomme is welkom
Inkloktyd: 14:00 tot 22:00
Uitkloktyd: 10:00
Adres: Kameelperdlaan 1483, Marlothpark, 1321, Mpumalanga
Vanaf R2 000 per nag (plek vir 7)

Beskrywing

Marlothii Safari House is in die Marlothpark bewarea en vakansiedorpie in Mpumalanga, waar wilde diere rustig tussen die huise rondbeweeg.

Dié dubbelverdieping-grasdakhuis beskik oor 2 slaapkamers met dubbelbeddens op die grondvloer, 1 oopplan-kamer met 'n koningingrootte-bed op die eerste vloer en 'n driekwartbed in die sitkamer bo. 'n Ekstra enkelbed kan ook bygevoeg word. Onder is daar 'n badkamer met 'n bad, stort en aparte toilet. Bo is daar nog 'n toilet en 'n buitestort op die dek.

Die 2 kamers op die grondverdieping het lugversorging en daar is waaier in elke kamer, asook 'n plafonwaaier op die boonste verdieping. Die lugversorgers werk met koopkrag en daar word eenhede opgelaai, maar indien dit op is, moet gaste self nog koop.

Die ruim sitkamer en eetarea is bo en onder is daar 'n oopplan-kombuis, -sitarea en -eetarea. Die kombuis is volledig vir selfsorg toegerus en het 'n wasmasjien. Die sitarea beskik oor gemaklik sitplek en 'n TV met 'n DStv-koppelpunt. Bring asb. jou eie DStv-dekodeerder en -slimkaart saam. Gratis WiFi is beskikbaar.

Daar is houtdekke rondom die huis op die boonste vloer. Gaste kan lekker hier ontspan, die wild bewonder, asook die meer as 300 voëlspesies in die omgewing probeer identifiseer. Daar is ook nagapies om te voer.

Op die onderste verdieping is 'n lekker groot patio met 'n tafel, gemaklike rusbank, stoele, 'n plonspoel en braai-area. Daar is ook 'n lekker boma waar gaste om die kampvuur kan ontspan.

Kry ’n Kwotasie