Modern Retro Apartments

Selfsorg

Gratis kansellasie tot 24 uur voor jou verblyf!
Kapasiteit: 6 persone
Geen kinders
Inkloktyd: 14:00 tot 19:00
Uitkloktyd: 10:00
Adres: Mulberry-straat 509, Moreletapark, Pretoria, 0044, Gauteng
Vanaf R820 per nag (plek vir 2)

Beskrywing

Modern Retro Apartments is moderne, goed toegeruste selfsorgeenhede op die eienaar se perseel op 'n 24 uur-sekuriteitslandgoed in Moreletapark, Pretoria. Die eenhede het hul eie ingange.

Verblyf is beskikbaar in die Modern Stylish Retro Apartment, Work@Home Apartment en die Modern Chic Bachelor Unit wat albei slaapplek vir 2 gaste het.

Die Modern Stylish Retro Apartment het slaapplek vir 2 gaste en beskik oor 'n slaapkamer, badkamer, 'n oopplan-kombuisie, eetarea en 'n leefarea. Die slaapkamer het 'n koningingrootte-bed en 'n en suite-badkamer met 'n stort, toilet en 'n wasbak. Die kombuisie is met 'n yskassie, ketel, broodrooster, mikrogolf, wasbak, eetgerei en breekware toegerus. Die leefarea het 'n etenstafel met sitplek vir 2, 'n gerieflike rusbank, 'n platskerm-TV met Netflix en daar is 'n privaat stoep en tuin met buitemeubels en 'n Weber-braai.

Die Work@Home Apartment is geskik vir 2 gaste en het 'n slaapkamer, badkamer en 'n oopplan-kombuisie, -eetarea en -leefarea. Die slaapkamer het 'n koningingrootte-bed en 'n en suite-badkamer met 'n stort, toilet en wasbak. Verder is daar onbeperkte WiFi, 'n TV, onderdakparkeerplek, 'n sitarea en 'n oopplan-kombuisie wat met 'n stoof, mikrogolf, yskas, eetgerei en breekware toegerus is. Daar is ook 'n leefarea met 'n tafel waar gaste kan werk.

Die Modern Chic Bachelor Unit het 'n oopplan-uitleg. Dit het 'n koningingrootte-bed, 'n sitarea met 'n TV, etenstafel, 'n kombuisie en 'n en suite-badkamer met 'n stort. Daar is verhit-en-eetgeriewe, 'n tweeplaatgasstoof, mikrogolf en 'n yskassie in die kombuisie. Gaste het toegang tot 'n privaat tuin-area.

Daar word voorsiening gemaak vir beurtkrag deur sonpanele en ononderbroke kragtoevoer. Daar is ook watertenks indien daar watertekorte is.

Just Home Apartments is naby winkels en restaurante.

Kry ’n Kwotasie