Swartberg Hotel

Hotel

Soos Gesien op Facebook
Kapasiteit: 58 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Kerkstraat 77, Prins Albert, 6930, Wes-Kaap
Vanaf R1 800 per nag, vir 2 mense
TGCSA-gradering:

Beskrywing

Swartberg Hotel is 'n bekoorlike Victoriaanse hotel in die hartjie van die sonderlinge Karoo-dorpie, Prins Albert.

Dié hotel dateer uit 1864 en is tans 1 van 19 nasionale monumente in die dorpie. Dit is tot vandag toe die enigste hotel in Prins Albert. Dit is die ideale plek om die Karoo se natuurskoon en 'n hemelruim vol helder sterre te geniet.

Gaste kan kies tussen kamers in die hoofgebou, sowel as kothuise in die tuin. Elke ruim kamer is gerieflik gemeubileer en het 'n elegante Victoriaanse atmosfeer en die kothuise bied ’n uitsig oor die tuin.

Die hotel het 'n groot Victoriaanse eetkamer waar gaste 'n a la carte-spyskaart met plaaslike geregte kan geniet. Die koffiewinkel op die perseel bedien ontbyt en middagete. Gaste kan in die swembad afkoel of 'n yskoue drankie by die Ladies Bar geniet. Gaste het toegang tot die hotel se gimnasium en die Swartberg Hotel Spa.

Prins Albert is maklik bereikbaar van die N1 af en is die ideale oornagplek vir gaste wat tussen Kaapstad en die binneland reis. Die pad na Prins Albert van die N2 af is 'n bietjie langer, maar uiters aanskoulik - Meiringspoort en die Swartbergpas is absoluut asemrowend.

Kry ’n Kwotasie