Newlands Country Lodge

Selfsorg

Spesiale Aanbod 10% af

Kry 10% af (minimum twee nagte se verblyf). Geldig vir verblyf vanaf 1 Nov 2024 tot 30 Nov 2024.

Gratis kansellasie tot 1 week voor jou verblyf!
Kapasiteit: 80 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Midlands-weg, Kimberley, 8306, Noord-Kaap
Vanaf R650 per nag (plek vir 2)

Beskrywing

Newlands Country Lodge is op 'n plaas in die buitewyke van Kimberley en is net 10 km van die middedorp af.

Verblyf is beskikbaar in selfsorg-plaaseenhede. Daar is chalets vir 4 gaste met lugversorging, 'n privaat badkamer, stoep, ingeboude braai en 'n kombuis wat met 'n mikrogolf, yskas, stoof en tee- en koffiemaakgeriewe toegerus is. Daar is ook eenhede wat geskik is vir 2 gaste en dié eenhede het elk 'n privaat badkamer en 'n kombuisie wat met 'n yskassie, mikrogolf, tweeplaatstoof en tee- en koffiemaakgeriewe toegerus is.

Verder is daar 2 huise wat geskik is vir 12 gate en dit is ideaal vir rugsakreisigers en groot groepe. Gaste het toegang tot gedeelde badkamergeriewe met storte, toilet en/of baddens. Elke huis het 'n braai-area, TV-kamer en 'n kombuis wat met 'n mikrogolf, yskas, stoof en/of oond en tee- en koffiemaakgeriewe toegerus is.

Elke eenheid het 'n platskerm-TV met sekere DStv-kanale. Verwarmers, elektriese komberse, strykysters en broodroosters is gratis en op versoek beskikbaar.

Die perseel spog met 'n braai-area, klimraam, veilige onderdakparkeerplek vir voertuie, motorfietse, trokke, sleepwaens en karavane, asook 24 uur-wagte.

Die lodge is net langs die N12 wat dit ideaal maak vir 'n oornagstop vir diegene wat tussen Gauteng en die Wes-Kaap reis. Die lodge is ook geskik vir gaste wat langer wil bly. Daar is alternatiewe toegangsroetes via Midlands-weg op pad na Upington en Namibië.

Die lodge bied 'n lieflike atmosfeer met mooi sonsondergange oor die dam vir kothuise 1 tot 8 en 'n rustige tuin vir die ander eenhede.

Kry ’n Kwotasie