Nkonkoni Fishing Camp

Selfsorg

Kapasiteit: 42 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Pongola Wildresservaat, Jozini-dam, Mkuze, 3969, KwaZulu-Natal
Vanaf R760 per nag, vir 2 mense

Beskrywing

Nikonkoni Fishing Camp is in die Pongola Wildreservaat in die pragtige Pongolapoort geleë. Die kampe is in die voëlpark naby die suidelike oewers van die Pongolapoort Jozini-dam geleë, en kyk uit oor die westelike platorand van die majestueuse Lebomboberge en die uitgestrekte grasvlaktes in die noorde van Zululand.

Verblyf word aangebied in selfsorg-chalets en safaritente. Elke chalet bied slaapplek vir 4 gaste en het lugversorging, 'n yskas-vrieskas, mini-oond en stoof, eetgerei en breekware, linne en badhanddoeke. Elke chalet het 'n privaat buitestort, 'n badkamer met 'n Victoriaanse bad of spa-bad, 'n aparte toilet, en 'n privaat boma met braaigeriewe. Ander geriewe sluit in die gebruik van 'n sentrale boma met DStv, 'n vuurput en addisionele kookgeriewe, asook 'n gemeenskaplike plonspoel.

Elke safaritent bied slaapplek vir 7 gaste en is ingerig met waaiers, 'n yskas-vrieskas, eetgerei en breekware, linne en badhanddoeke. Elke tent het sy eie badkamer met 'n buitestort en toilet, 'n privaat boma met 'n tweelplaatgasstoof en braaigeriewe. Daar is ook 'n sentrale boma met DStv, 'n uitkykdek, vuurput en addisionele kookgeriewe, asook 'n gemeenskaplike plonspoel.

Die Ponglapoort Jozini-dam is die tuiste van seekoeie en krokodille. Olifante, buffels, en verskeie wildspesies kom ook in die omgewing voor. Die dam strek oor ongeveer 16 000 hektaar, met 'n rivier van ongeveer 5 km lank. Die Pongolapoortdam is die enigste dam in Suid-Afrika waar tiervis voorkom, en Nkonkoni ondersteun die vang-en-vrylaat-metode. Visvang vind plaas vanaf bote, sowel as die oewer. Daar is plek om bote in die water vry te laat.

Tiervis kan regdeur die jaar gevang word, hoewel warmer maande beter is vir visvang. Die jaarliks Tiger Fish Bonanza word in September op die Pongolapoortdam gehou en lok hengelaars van regoor die land.

Die omgewing is ook enige voëlkyker se droom met meer as 400 voëlspesies wat hier voorkom, insluitend skaarser spesies soos die janfrederik, pinkbek-pelikaan en visvalk.

Kry ’n Kwotasie