Ocean Mist

Selfsorg

Gratis kansellasie tot 1 week voor jou verblyf!
Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Dassen Island-rylaan, Ocean Villas Nommer 1, Yzerfontein, 7351, Wes-Kaap
Vanaf R10 000 per nag (plek vir 8)

Beskrywing

Ocean Mist is 'n pragtige selfsorg-vakansievilla in die hartjie van Yzerfontein. Hierdie villa is 'n ideale opsie vir 'n kuswegbreek aan die Weskus aangesien dit 'n uitnodigende swembad het en stapafstand van die strand af is.

Dié villa bied gerieflike slaapplek aan 8 gaste en beskik oor 4 en suite-slaapkamers. Die eerste drie slaapkamers het elk 'n koninggrootte-bed, terwyl die vierde slaapkamer 2 enkelbeddens het. Twee van die badkamers het elkeen 'n bad en 'n stort, terwyl die ander 2 badkamers albei 'n stort het.

Die ruim oopplan-leefarea beskik oor 'n kombuis wat met 'n gasstoof, elektriese oond, mikrogolf, yskas-vrieskas, koffiemasjien, eetgerei, breekware en 'n toonbank met stoele toegerus is. 'n Skottelgoedwasser, wasmasjien en tuimeldroër is in die opwaskamer beskikbaar. Die kombuis lei na 'n etenstafel met oorgenoeg sitplek vir almal om hul maaltye saam te geniet. Dié eetarea deel 'n kaggel met die sitarea wat gemaklike sitplek en 'n TV het. Gratis WiFi is beskikbaar.

Dié leefarea lei na 'n ruim houtdek met 'n ingeboude braai en 'n swembad waar gaste kan afkoel op daardie warm somersdae. Die eenheid is net 'n entjie se ry vanaf plaaslike winkels en restaurante.

Kry ’n Kwotasie