Beskrywing

Ocean View is 'n lieflike selfsorgvakansiehuis vir 8 gaste in Pringlebaai, net 300 m van die strand af. Die huis bied 'n uitstekende uitsig oor die see van die groot dek af.

Die dubbelverdiepinghuis beskik oor 4 slaapkamers en 3 badkamers. Die hoofslaapkamer is op die eerste verdieping en het 'n koningingrootte-bed en 'n en suite-badkamer met 'n stort en 'n toilet. Die kamer lei ook na 'n dek. Onbeperkte WiFi is beskikbaar. Gaste kan op hul eie Netflix-rekening stroom. Daar is geen DStv nie.

Die ander 3 slaapkamers is op die grondverdieping geleë en word via 'n pragtige kiaathouttrap bereik. Een van die slaapkamers het 'n koningingrootte-bed en 'n en suite-badkamer met 'n stort en 'n toilet. Die derde slaapkamer het 'n koningingrootte-bed en die vierde slaapkamer het 2 enkelbeddens. Dié slaapkamers deel 'n badkamer met 'n stort en 'n toilet. Linne, badhanddoeke, duvets, matrasbeskermers, kussings en kussingbeskermers word voorsien. Gaste moet hulle eie strandhanddoeke saambring.

Die leefarea op die eerste verdieping beskik oor 'n kombuis wat ten volle met 'n elektriese stoof, oond en 'n opwaskamer met 'n yskas-vrieskas en 'n skottelgoedwasser toegerus is. Gaste kan hulle maaltye by die etenstafel geniet, of voor die binnebraai en in die sitarea ontspan. Die leefarea lei ook na 'n groot dek waar gaste gerus van die buitebraaigeriewe gebruik kan maak. WiFi is slegs op versoek en teen 'n ekstra koste beskikbaar.

Die dorpie is omring deur 'n verskeidenheid fynbos-, flora- en fauna-spesies. Besoekers kan lekker in die baai swem, snorkel en vanaf Junie tot Desember walviskyk.