Beskrywing

Paardefontein - Kom tot Rus - Guesthouse is 'n privaat selfsorghuis wat op die eienaar se plaas net buite Merweville, Wes-Kaap geleë is. Dit is dieaal vir gaste wat in die stil natuur wil ontspan.

Dié huis bied slaapplek aan 4 gaste en beskik oor 2 slaapkamers en 1 badkamer. Beide slaapkamers het 2 enkelbeddens en lugversorging. Gaste deel 'n badkamer met 'n stort, wasbak en 'n toilet. Buite is nog 'n badkamer met 'n stort, wasbak en 'n toilet. Gehaltelinne en handdoeke word voorsien.

Die kombuis is met 'n yskas-vrieskas, gasstoof, oond, mikrogolf, eetgerei, breekware, tee- en koffiemaakgeriewe toegerus. Die leefarea het gemaklike sitplek en lugversorging.

Gaste het toegang tot 'n onderdakstoep, 'n braai en veilige parkeerplek op die perseel. Dié huis is ongeveer 20 km buite Merweville waar gaste plaaslike geriewe soos winkels en restaurante kan besoek.