Pinnacle Point 12 Rooikrans

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Rooikransrylaan 12, Pinnacle Point Estate, Mosselbaai, 6500, Wes-Kaap
Vanaf R5 500 per nag (plek vir 8)

Beskrywing

Pinnacle Point 12 Rooikrans is 'n kontemporêre dubbelverdieping-selfsorgvakansiehuis op die Pinnacle Point Gholflandgoed in Mosselbaai. Die huis is ideaal vir 'n gesinsvakansie of 'n wegbreek saam met vriende en spog met 'n asemrowende see-uitsig.

Die huis bied slaapplek aan 6 volwassenes en 4 kinders en beskik oor 4 en suite-slaapkamers en 2 gastetoilette. Die eerste slaapkamer het 'n koningingrootte-bed, die tweede slaapkamer het 'n dubbelbed, die derde slaapkamer het 2 enkelbeddens, en die vierde slaapkamer het 2 enkelbeddens vir kinders. Die hoofslaapkamer se en suite-badkamer het 'n bad en 'n stort en die ander slaapkamers s'n het elk 'n stort óf 'n bad. Linne en badhanddoeke word voorsien.

Die oopplankombuis is met 'n gasstoof, oond, mikrogolfoond, ketel, koffiemasjien, yskas-vrieskas en 'n toonbank met stoele toegerus. Die leefarea het 'n etenstafel met genoeg sitplek, 'n uitsig oor die see, 'n rusbank, binnebraai, kaggel en 'n TV. Gratis WiFi is ook beskikbaar.

Die huis spog ook met 'n speletjieskamer met 'n dubbelslaapbank vir kinders, 'n tafeltennistafel, veerpyltjiebord en 'n kombuisie. Buite is daar 'n stoep, braaigeriewe en 'n swembad. Parkeerplek is op die perseel in 'n dubbelmotorhuis en op 2 ekstra parkeerplekke beskikbaar.

Gaste het toegang tot die landgoed se geriewe wat 'n gholfbaan, gholfoefenarea, restaurant, spa, speelarea vir kinders, supermark en 2 privaat strande insluit. Die huis is net 'n entjie se ry vanaf groot strande en winkelsentrums.

Kry ’n Kwotasie